بو گون نووروزون ایلک - سو چرشنبه‌سی‌دیر.

Kult.az خبر وئریر کی، سو چرشنبه‌سی ایله قدیم بایراما حاضرلیقلار باشلاییر.

اینانجلارا گؤره، تانری سویو ایلک اولاراق یاراتدیغی اوچون ایلک چرشنبه کیمی سو چرشنبه‌سی قید ائدیلیر. بعضی منبع‌لرده اونا «از‌لی چرشنبه»، «گول چرشنبه» ده دئییرلر. بو چرشنبه‌ده سویون دیریلمه‌سی اؤزونو گؤستریر. قدیم اینانجلارا گؤره، بو چرشنبه سویا تاپینما اینانجی ایله باشلاییر. اینانجا گؤره «تزه سو»، یعنی سحر دان یئری سؤکولممیش گؤتوروله‌ن کؤپوکلو آغ سو مین بیر دردین درمانی ساییلیر.

یاز فصلینین گلیشینی خبر وئره‌ن نووروز بایرامی ایلین باشلانغیجی کیمی ده قبول ائدیلیر. محض بونا گؤره ده اینسانلار سودان اونون کیمی شفاف و گؤزل بیر ایلین کئچمه‌سینی آرزولایا بیلرلر. ایلک تونقالین سو چرشنبه‌سین‌ده یاندیریلماسی بوزلارین اریمه‌سی، آرتیق قیشین آرخادا قالماسینین گؤستریجی‌سیدیر.

سو چرشنبه‌سین‌ده ماسا اوزرینه سو قویماق، ماسادا سویون آشماسی خیرلییه یوزولور. اگر سفره‌نیزده سو آشیب تؤکولرسه، همین ایلین سیزین اوچون بول برکت گتیرجیی گؤزلنیلیر. سو چرشنبه‌سی گونو لال آخان سویون اوزریندن کئچمک اوغورسوزلوق علامتی ساییلیر، همچینین بو گون اولادی اولمایان بیر قادینین باشیندان قیرخاچار قابلا سو تؤکسه‌ن، اونون اؤولادی دونیایا گله بیلر. سو چرشنبه‌سینده هامینین حیطین‌ده تونقال قالانیر و بایرام اوگاتینین یاخینلاشدیغی نظره چاتدیریلیر. همین گون اینسانلارین بیر-بیرینین اوزرینه سو آتماسی دا اوغورا ایشاره‌دیر.

قید ائدک کی، اود چرشنبه‌سی مارتین ۵-ده، یئل چرشنبه‌سی مارتین ۱۲-ده، ایل آخیر - تورپاق چرشنبه‌سی ایسه مارتین ۱۹-دا قید اولوناجاق.

آذربایجانا یاز فصلی مارتین ۲۰-سی باکی واختی ایله ساعت ۰۷:۰۶:۲۱-ده داخیل اولاجاق. مارتین ۲۰-۲۱-ی آذربایجان‌دا نوروز بایرامی قید اولونور.