آوسترییادا فعالیت گؤسترن «اؤست ائسائمبل» آنسامبلی ویانادا «آرزو بالیق داستانی» آدلی پروگرام ایله چیخیش ائدیب.

Kult.az خبر وئریر کی، لاییحه ویانادا فعالیت گؤسترن آذربایجان مدنیت مرکزی و یونوس امره انستیتوتونون دسته‌یی ایله باش توتوب.

«آرزو بالیق» داستانیندا آذربایجان موسیقی مدنیتیندن فیکرت امیراون «من سنی آرارام»، «مین بیر گئجه» بالئتیندن رقص، نیازی‌نین «قایتاغی» و گونئی آذربایجان آشیق ماهنی‌سی «چال، آشیق، چال» کیمی اثرلر باشقا موسیقیلرله یاناشی تقدیم ائدیلیب. بونلارلا یاناشی، آذربایجان «ماهور» و «شوشتر» موغاملاری دا ویانادا یاشایان تبریزلی سولیست هادی مصطفی‌لی طرفیندن ایفا ائدیلیب. آذربایجان تورکجه‌سیندن باشقا گیلک، فارس، گورجو، تورکییه تورکجه‌سی، نوگای تورکجه‌سی، مقدونییه و ماجار دیللرینده ماهنیلار دا سسلندیریلیب. داستانین اؤزو ایسه برلین شهرینده یاشایان و اصلن تبریزلی اولان خامید صانعی طرفیندن آذربایجان و آلمان دیللرینده سؤیله‌نیلیب.

قید ائدک کی، «آرزو بالیق» داستانی گؤرکملی تبریزلی یازیچی، تانینمیش ترجمه‌چی-پوبلیسیست صمد بهرنگی‌نین «بالاجا قارا بالیق» ناغیلی اساسیندا آریا تورکانبوری طرفیندن یازیلیب. بو پرفورمانس باشدان-باشا آذربایجان-تورک آشیق داستان عنعنه‌سی اساسیندا قورولوب.