بو گون تانینمیش رژیسور و آکتیور، بدیعی قراعت اوستاسی، امکدار آرتیست حسن ابلوجون آنیم گونودور.

Kult.az خبروئریر کی، حسن عباسقولو اوغلو ابلوج ۲۲ آپرئل ۱۹۴۲-جی ایلده تبریزده آنادان اولوب.

اوشاق یاشلاریندا عائله‌سی ایله بیرلیکده باکییا کؤچوب. اولجه پولی‌تکنیک اینستیتوتونا قبول اولونوب. بیرینجی کورسدان سونرا سندلرینی آکتیورلوق فاکولته‌سینه وئریب. آذربایجان دولت اینجه‌صنعت اینستیتوتونون آکتیورلوق و رژیسورلوق فاکولته‌سینی بیتیریب.

عائله‌ده ۵ قارداش اولوبلار. حسن ابلوج هله اوشاق واختلاریندان آکتیورلوغا بؤیوک هوس گؤستریب. اورتا مکتبی یاخشی اوخویان حسن هم ده اوشاق یاشلاریندان یاشلی آتاسینا کمک ائدیرمیش. آتاسی اونون آکتیور اولماسینی ایسته‌مه‌ییب. حسن آتاسینین آرزوسونو نظره آلیب پولی‌تکنیک اینستیتوتونا داخیل اولوب. هسن گیلی ۲-جی کورس‌دا اوخویاندا زاوودا آپاریرلار. دمیر کسمکدن حسنین اللری کسیک-کسیک اولور. ایکی آیدان سونرا آتاسی دئییر کی، بالا، هانسی صنعته ایستییرسن، گئت. حسن ۲-جی کورسو باشا ووراندان سونرا صنعتلرینی آکتیورلوق فاکولته‌سینه وئریر. و رضا تهماسیبین کورسوندا تحصیل آلیر.

حسن ابلوج اونیورسیتت‌ده صحنه دانیشیغیندان درس دئییب. او، اؤنجه اؤز طلبه‌سینه عاشیق اولور، طلبه‌سیندن اؤنجه مثبت جواب آلمایان صنعتکار باشقا بیر خانیملا نشان‌لانیر. بیر مدت کئچندن سونرا نشان‌لی‌سی ایله مناسیبتی آلینمیر. بئله اولدوغو حالدا اؤز طلبه‌سی فیرنگیزه ائوله‌نمه تکلیف ائدیر. و اونلار عائله قورورلار. بو ائولیلیکدن اونلارین الناز آدلی قیز اولادی دوغولور.

قیزی الناز ابلوجو چوخ سئویب. اونون رژیسور اولماسینی آرزولیایب. قیزینی هر سحر اؤزو یئدیردیب مکتبه یولا سالیب.

او، «دانتنین یوبیلیی»، «قانلی زمی»، «پنجره» فیلملرینه چکیلیب. «پنجره» فیلمینده روشنین آتاسینین اپیزودیک رولونو مهارتله اوینایان حسن بو رولو اؤز یارادیجیلیق حیاتینین ان پارلاق رولو حساب ائدیب.

دوستو و همکاری شاهمار علکبروو دونیاسینی دییشنده اونون قبری اوستونه گئدن آکتیور مزارلیقدا محکه‌م آغلاییب دئییر: «داریخما، قارداشیم، من ده تئزلیکله سنین یانینا گله‌جه‌م». بو احوالاتدان آز بیر مدت سونرا ایسه حسن ابلوج رحمته گئدیر».

حسن ابلوج مارتین ۱۹۹۴-جو ایل مارتین ۱۳-ده ۵۱ یاشیندا اورک توتماسیندان دونیاسینی دییشیب.