آنا صحیفه کولت |
بو گون خالق شاعری رسول رضانین آنیم گونودور.
Kult.az شاعر رسول رضا حاقیندا ماراقلی فاکتلاری تقدیم ائدیر.
رسول رضا ۱۹۱۰-جو ایل مایین ۱۹-دا گؤیچای شهرینده دوغولوب. مممدخانوولار نسلیندن اولان آتاسی ابراهیم کندده میرزهلیک و خیرداواتچیلیقلا مشغول اولوب. قیزلارینی ایلک دفعه مکتبه گؤندردیی و اونلارا چادراسیز گزمهیه اجازه وئردیی اوچون ابراهیم بیین عائلهسینه دیندن دؤنموش، «بهایی» لقبی وئریبلر.
خان قیزی ناتوانلا قوهوملوغو اولان آناسی مریم شعیری، ادبیاتی چوخ سئودییندن اؤزو ده شعیرلر یازیب، اونلاری ازبرینده ساخلاییب. او، هر گئجه اوشاقلارینی باشینا ییغیب، اونلارا شعیرلر، ناغیللار اوخویاردی.
رسول رضا آتاسینی چوخ ائرکهن ایتیریب. رسولون آناسی اوشاقلارینی دا گؤتوروب باکییا کؤچمک مجبوریتینده قالیب. باکییا کؤچندن سونرا رسول رضا چوخ گنج یاشلاریندان ایشلهمهیه، عائلهیه کمک ائتمهیه مجبور قالیب.
ادبی عالمده یاخشی تانینان سلیمان روستم، مهدی حسین، صمد وورغون، میکاییل رفیلی، علی ناظیم، میرزا ابراهیموو و باشقالاری ایله یاخیندان تانیش اولور، ترجمهچی وظیفهسینه ایشه دوزلیر. او ایللرده "گنج ایشچی" ادبیاتا یئنیجه گلن شاعرلرین، یازیچیلارین توپلاشدیغی، گؤروشدوکلری اساس یئر ایدی. رضا بورادا بیر چوخ یاشیدلاری ایله، او جملهدن شاعر موشفیقله تانیش اولور.
باکیدا ایشلهمهیه باشلایان شاعر اصلن گنجهدن اولان، عائلهسی رپرسییا اولونان بی قیزی نیگار رفیبیلی ایله تانیش اولور. اونلار ۱۹۳۷-جی ایلده عائله قورورلار. یاشادیقلاری ائو ایسه بالاجا داخما کیمی بیر یئر اولوب. اونلارین تویو دا ائله همین داخمادا کئچیریلیر. سونرادان رپرسییا اولان آداملارین بیر چوخو، ائلجه ده حسین جاوید، میکاییل مشفق اونلارین تویوندا اشتراک ائدیبلر.
رسول رضانین شعیرلریندهکی نوواتورلوق قبول اولونمور. بو یئنیلیکچی تفکر رد ائدیلیر و قلیبدن چیخا بیلمهیهن شاعرلر اونو سیخما-بوغمایا سالیردیلار.
صمد وورغونلا مناسیبتلرینین گرگین اولماسی بارهده مختلیف سؤز-صحبتلر وار. بو گرگینلیین سببینین استتیک داوا اولدوغو دئییلیر. صمد وورغون هئجا شعیرینین اوستاسی، رسول رضا ایسه سربست شعیرین جدی امضالاریندان ایدی. اونلارین آراسینداکی مناسیبت بعضا سویوق، بعضا ایسه دوستجاسینا اولوب.
رسول رضا دیلیمیزه یئنی سؤزلر ده گتیریب. «چیمرلیک»، «ایشیقفور»، «چیلک» و س. عینی زاماندا «آنار» سؤزونو ده او یارادیب و اوغلونا آد کیمی قویوب. بیلدیینیز کیمی، بو سؤز دیلیمیزین «آنماق» فعلیندن گؤتورولوب. آنار بو گون آذربایجاندا ان چوخ قویولان آدلار سیاهیسیندادیر.
رسول رضا ایله ناظیم حکمت چوخ گؤزل دوست اولوبلار. او، هر دفعه باکییا گلنده مطلق شاعرین ائوینده قوناق اولاردی.
عمرونون سون ایللرینی رسول رضا خستهخانادا باشا وورور. او، خستهخانادا معالیجه آلدیغی زامان حیات یولداشی نگار خانیما دا خرچنگ دیاقنوزو قویولور. خبری آتاسینا یازیچی آنار چاتدیرمالی اولور. لاکین، خبری آلان کیمی رسول رضانین حالی قفیلدن پیسلشیر، تضییقی قالخیر. حکیملر نه قدر اللشیرلر، کمکلیک ائده بیلمیرلر. اون بئش، ایگیرمی دقیقهنین ایچریسینده ۱۹۸۱-جی ایل آپرلین ۱-ده رسول رضا ۷۰ یاشیندا دونیاسینی دییشیر.
شاعرین اولادلاری بو خبری وضعیتی اونسوز دا آغیر اولان و خستهخانادا یاتان نگار خانیمدان گیزلدیرلر. دوز اوچ آی اونو آلدادا-آلدادا باش وئرنلری اوندان گیزلدیرلر. آخیرا قدر ده هئچ ندن ده خبری اولمور.
نگار خانیمین رسول رضا اوچون یازدیغی «نیلییم» شعیرینه امین ثابیت اوغلو شاعرین اؤلوموندن سونرا ماهنی بستهلییر. ماهنینی آکیف اسلامزاده ایفا ائدیر. همین موسیقینین سس یازیسینی آنار خستهخانایا گتیریب آناسینا دینلهدیر. نگار خانیم همین موسیقینی چوخ بینیر. یانینا کیم گلیرسه، اوشاقلارینا دئییر کی، رسولا یازیلان ماهنینی قویون، قولاق آسسینلار.
تاریخ
2024.04.01 / 14:30
|
مولف
اسماعیلووا سوزاننا
|