آنا صحیفه کولت |
بو گون امکدار آرتیست، موغهننی یعقوب ظروفچونون دوغوم گونودور.
Kult.az اونون حیات و یارادیجیلیغی حاقیندا ماراقلی فاکتلاری تقدیم ائدیر:
یعقوب قولو اوغلو ظروفچو ۱۹۵۶-جی ایل - آپرلین ۸-ده تبریز شهرینین چرانداب محلهسینده آنادان اولوب. آتاسی قولو کیشی تبریزده چتینلیکله ده اولسا، باکی رادیولارینین دالغالارینی "توتوب"، آزیاشلی اوغلو یعقوبا بولبولون، رشید بهبودووون، روبابه مرادووانین، شوکت علکبرووانین و دیگر موغهننیلرین ایفالارینی، آذربایجان ماهنیلارینی دینلدیرمیش...
یاعقوبو موسیقییه آتاسی هوسلندیریر. قلبهیاتان سسی ایله آرتیق ۷ یاشیندان سئویلن بالاجا موغهننی چوخ کئچمهدن تبریز رادیوسونون اوشاقلار پروگرامیندا اشتراک ائدیر، شوقله اوخودوغو "جوجهلریم" ماهنیسی ایله ایراندا مشهورلاشیر، اوخودوغو ماهنی دیللر ازبری اولور.
۱۹۷۹-جو ایلده "اسلام انقلابی"ندان سونرا ایراندا موسیقی قاداغان اولونور. موسیقی ایله مشغول اولانلار ایسه حبس ائدیلیر. ۱۹۸۵-جی ایله قدر ایراندا یاشایان موغهننی اورانی ترک ائتمک قرارینا گلیر. اونیورسیتتی بیتیرهن کیمی آلمانییایا اوز توتور. موغهننی هامبورگ شهرینده موسیقی تحصیلینه باشلاییر وکال صنعتی اوزره ماستر دیپلومو آلیر.
ایلک دفعه بؤیوک کنسرت پروگرامی ایله تماشاچیلار قارشیسینا چیخان موغهننی "وطنیمدیر"، "دنیز"، "ائولری وار خانا-خانا"، "قاراگیله"، "ساری گلین" ماهنیلاری ایله قلبلری نه قدر جوشدورسا دا، "آنا" ماهنیسی ایله سالونداکیلارین هامیسینی کؤورلدیر، حتی آغلادیر دا.
۱۹۸۹-جو ایلده موغهننییه خبر وئریرلر کی، گولاغا مممدوو آلمانییادادیر: "آیریلیق"ین کلیپینه باخیب، چوخ بینیب». نهایت، یعقوب بی گولاغا مممدوولا گؤروشور. اونلار سحره قدر صحبت ائدیرلر. گولاغا مممدوو «آیریلیق» ماهنیسینا چکیلمیش کلیپین ویدئویازیسینی باکییا گتیریر و او ماهنی آزادلیق حرکاتینین سیموولونا چئوریلیر.
یعقوب ظروفچو گولاغا مممدووون و الچین افندیئوین دعوتی ایله باکییا گلیر.
یعقوب ظروفچو اوکتیابرین ۲۹-دا آزادلیق میدانیندا کنسرت وئرمهیه حاضیرلاشیب. اولجه راضیلیق وئریلمیر. تهلوکهسیلیک خیدمتینین امکداشلاری اونا دئییرلر کی، کنسرت زمانی سنه آتش آچا بیلرلر. بیز ایسه سنی قورویا بیلمیجییک. اؤز دیلیندن یاز کی، مسئولیتی اوزرینه گؤتورورسهن. یعقوب ظروفچو "آذربایجان" مهمانخاناسینین پنجرهسیندن میدانداکی ازدهامی گؤستریب دئییر:
«من بونلارا سؤز وئرمیشهم. نیین باهاسینا اولورسا-اولسون، کنسرت وئرهجهم. سیز قاداغان ائتسهنیز ده...».
سونرا ائلچیبی اونون یانینا - هتله گلیر و دئییر: «بیز صحنهنین آرخاسیندا، سنین یانیندا اولاجاغیق، ناراحات اولما.»
کنسرت باش توتور. هئچ بیر حادثه، اغتشاش باش وئرمیر. کنسرتدن ییغیلان ۷۰ مین مانات پول ایسه خالق جبههسینه وئریلیر. سونرادان ائلچیبی اونا تشکر مکتوبو یازیر.
یعقوب ظروفچو ایکی دفعه عائلهلی اولوب. ایلک خانمی اصلن تبریزدن اولوب. بو ائولیلیکدن اونلارین دنیز آدلی قیزی، تامرلان آدلی اوغلو دونیایا گلیب. لاکین خانمی آذربایجاندا یوخ، آمریکادا یاشاماق ایستدییندن موغهننی اوندان آیریلمالی و باکییا کؤچمهلی اولور.
یعقوب ظروفچو ایله ایکینجی حیات یولداشی آینور خانیم ای تیوی-ده تانیش اولوبلار.
یعقوب ظروفچو آمریکا وطنداشی اولماقلا برابر ۱۵ ایول ۲۰۰۹-جو ایلدن آذربایجان وطنداشلیغینی دا آلیر و ۱۷ سنتیابر ۲۰۰۹-جو ایلده آذربایجان رسپوبلیکاسینین امکدار آرتیستی آدینا لاییق گؤرولور.
او، ۹ سنتیابر ۲۰۲۱-جی ایلده کوروناویروسا یولوخاراق «یئنی کلینیکا»یا یئرلشدیریلیر.
۱۴ سنتیابر ۲۰۲۱-جی ایلده ۶۵ یاشیندا وفات ائدیر.
تاریخ
2024.04.08 / 12:17
|
مولف
اسماعیلووا سوزاننا
|