جیمس بوند رولو هر بیر آکتیور اوچون گئرچکلشن یوخو کیمی گؤرونور. بونونلا بئله، مختلیف دورلرده بو رولو ایفا ائتمیش آلتی آکتیورون هامیسی بوند اوبرازینین اونلار اوچون پروبلم یاراتدیغینی بیلدیریب.

Kult.az مختلیف دورلرده چکیلن "آگنت ۰۰۷" فیلمینده آگنت رولوندا چکیلن آکتیورلار باره‌ده ماراقلی معلوماتی تقدیم ائدیر:

شون جونری "آگنت ۰۰۷"نین ایلک ایفاچیسی اولوب. او، آلتی فیلمدن سونرا بیر رولدا ایلیشیب قالدیغینی و غیری-قناعتبخش معاشا گؤره آیریلدیغینی دئییب.

اؤزونو آکتیورلوقدا سینایان مدل جورج لانزنبی شهرت یوکونو داشییا بیلمه‌ییب و بوند رولونو بیرجه دفعه اوینادیقدان سونرا رادارلاردان ایتیب.

جازبه‌دارلیغی ایله تانینان سر روجر مور اوزون ایللر بو اوبرازین تأثیرینده قالیب. بئله کی، او، ۵۷ یاشیندا، قالین ماکیاژ طبقه‌سی آلتیندا یئنه ده گنج بوند رولونو اویناییردی.

استعدادلی تئاتر آکتیورو تیموتی دالتون ایکی فیلمینه دستک اولاراق کئچیریلن اجتماعی تدبیرلرین و دونیا تورلارینین مقیاسین‌دان دهشته گلیب.

پیرس بروسنان اؤز ایشینی جسارتله یئرینه یئتیردی، لاکین بئشینجی فیلمی گؤزلیرکهن دؤرد فیلم‌دن سونرا اونو اؤزونه خبر وئرمه‌دن رولدان آییردیلار. بروسنان بونو "قددارلیق" کیمی قیمتلندیریب.

دانیل کرئیق ایسه ۵ دفعه بو اوبرازی جانلاندیریب، او یئنی‌دن بوند اویناماق‌دانسا، بیلکلرینی کسمه‌یه اوستونلوک وئردیینی دئییب.