یوخاری

موغان‌دا تاریخی قالا محو اولماق اوزره‌دیر

آنا صحیفه کولت
12 Punto 14 Punto 16 Punto 18 Punto

گونئی آذربایجانین موغان بؤلگه‌سین‌ده یئرلشه‌ن تاریخی اولتان قالاسی اراضی‌سین‌ده قانون‌سوز تیکینتی ایشلرینین آپاریلماسی آبی‌دنین تامامیله یوخ اولماق تهلوکه‌سینی آرتیریب.

Kult.az خبر وئریر کی، بو باره‌ده یئرلی مده‌نی فعاللار معلومات یاییب.

بیلدیریلیب کی، بونونلا باغلی اردبیل ایالتینین مده‌نی ارث ایداره‌سینه ائدیله‌ن مراجعتلر جاواب‌سیز قالیب.

«مراجعتلره جاواب وئریلمه‌مه‌سی و اعتراضلارا باخمایاراق، تیکینتی ایشلرینین دایاندیریلماماسی، بونون مده‌نی ارث ایداره‌سینین راضی‌لیغی ایله حیاتا کئچیریلدیی باره‌ده شوبهه‌لری گوجلندیریب»،- فعاللار یازیبلار.

قئید ائدک کی، اولتان قالاسی موغان دوزون‌ده، آراز چایینین جنوب ساحلین‌ده، اردبیل ایالتینین اولتان کندین‌دن قرب‌ده، دنیز سوییه‌سین‌دن ۶۷–۷۳ م یوکسک‌لیک‌ده یئرلشیر.

یئرلی اهالینین اولتان قالاسی آدلاندیردیغی بو شهر خارابالیقلارینین قالا دیوارلاری ایله مدافعه اولونان ساحه‌سی دوزبوجاق بیچیم‌ده اولوب، ۳۳ هئکتار ساحه‌نی احاطه ائدیر.

بیر سیرا تدقیقات‌چیلار اولتان قالاسینین پارفییالیلار، بعضیلری ایسه ساسانیلر دؤورون‌ده اینشا ائدیلدیینی احتیمال ائدیرلر.

قالا نادیر شاهین حاکمیتی دؤورونه کیمی قورونوب ساخلانیب، لاکین سونرالار روسلارلا آپاریلان محاربه‌لر نتیجه‌سین‌ده داغیلاراق خارابالیغا چئوریلیب.

تاریخ
2024.05.07 / 16:43
مولف
Axar.az
شرح لر
دیگر خبرلر

جنیفر لوپز آذربایجان‌دا چیخیش ائده بیلر

آروادی اسیر دوشدو، عمرو بویو گولمه‌دی – شاه اسماعیل نئجه ختایی اولدو؟

"آینا"- آذربایجان دیلین‌ده جیزگی فیلمی

طالعسیز قادین: نایله میرمممدلی

طاهر سالاح‌اووون حیاتیندان ماراقلی فاکتلار...

دده علسگرین آشیق اوغلو: طالیب

مشهور تورک سریالیندا آذربایجان ماهنی‌سی – ویدئو

ستار سوقی دونیاسینی دییشدی

پاریسدن اینانیلماز: باکی‌نین گوجونون اعترافی، هم ده بو جور؟..

"تیق-تیق خانیم"-آذربایجان دیلین‌ده جیزگی فیلمی

خبر خطّی
Axar.az'da reklam Bağla
Reklam
Bize yazin Bağla