بو گون گؤرکملی آذربایجان شاعری، یازیچی‌سی و ترجمه‌چی‌سی عباسقولو آغا باکیخانووون دوغوم گونودور.

Kult.az بو مناسیبتله اونون آذربایجانین مشهور تاریخ‌چی‌سی حاقیندا ماراقلی فاکتلاری تقدیم ائدیر.

عباسقولو آغا باکیخانوو ۱۷۹۴-جو ایل ۲۱ ایون‌دا باکینین امیرجان کندینده کاسیب بیر عائله‌ده آنادان اولوب. اونون آتاسی ۲-جی میرزه محمد خان باکی خانلاری نسلیندن، آناسی سوفیا خانیم ایسه مسلمان‌لیغی قبول ائتمیش گورجو قیزی ایدی.

او، عرب و فارس دیللرینی، بو دیللر ایله یاناشی ادبیات، الاهیات و فلسفه‌نی موکمل اؤیرنمیشدی.

باکیخانوو شعرلرینی "قدسی" تخلصو ایله آذربایجان، عرب و فارس دیللرینده یازیردی.

۱۹-جو عصر آذربایجان معاریف‌چیلریندن بیری اولان عباسقولو آغا باکیخانوو آذربایجان و داغیستان خالقلارینین تاریخیندن بحث ائد‌ن "گلستان ار‌م" اثری ایله تاریخ علمینده یئنی باخیش اورتایا قویوب.

او، قوبادا "گلستان" آدلی علمی-ادبی مجلسین (۱۸۳۵) تشکیلاتچیلاریندان بیری اولوب.

۱۸۲۰–۱۸۳۰-جو ایللرده چار روسییاسی اوردوسوندا قوللوق ائتدیی زمان گلستان (۱۸۱۳) و ترکمنچای مقاویله‌لرینین (۱۸۲۸) امضالانماسین‌دا ترجمه‌چی کیمی اشتراک ائدیب.

عباسقولو آغا باکیخانووون انسیکلوپدیک بیلییه مالک بیر عالیم اولدوغونو دیل، جغرافیا، تاریخ، آسترونومییا، منطیق، پسیخولوگییا و سایر علملره عایید اثرلری ثبوت ائدیر.

باکیخانوو اؤز دورو اوچون بؤیوک ایشلر گؤره‌رک ایلک درسلیکلر، علمی کیتابلار یازاراق قیمتلی فکرلر ایر‌لی سوروب.

او، باکی‌دا مسلمان دونیوی تحصیل مکتبی آچماق اوچون حاضرلادیغی لاییحه‌نی ۱۸۳۲-جی ایلده ترتیب ائدیر و قفقازین اوزامانکی جانیشینی روزنه گؤندریر. لاکین بو لاییحه یئرلی ملتلره، اونلارین مدنیتینه پیس مناسیبت بسله‌یه‌ن گنرال روزن طرفین‌دن اعتیناسیز قارشی‌لانیر و اونون شخصی آرخیوینده یاتیب قالیر. عباسقولو آغا باکیخانووون ۲۰ فورال ۱۸۳۲-جی ایلده ترتیب ائتدیی «مسلمان مکتبی تاسیس ائدیلمه‌سینین لاییحه‌سی» حاضردا مسکوادا دولت تاریخ موزیینین بارون روزن فوندوندا ساخلانیلیر.

باکیخانوو ۱۸۴۶-جی ایلده مدینه ایله مکه آراسیندا «وادی فاطمه» آدلانان یرده وبا خسته‌لیین‌دن وفات ائدیب، ائله اورادا دفن اولونوب. تأسف کی، بو بؤیوک آذربایجان عالیمینین مزاریندان ایندی هئچ بیر ایز قالماییب.