بیر چوخ توریستلر تعطیللرینین سون گونونده گئتدیکلری اؤلکه‌ده گؤله و یا فوواره‌یه خیردا پول آتیرلار کی، یئنی‌دن او یئرلره بیر ده قاییت‌سینلار. بو قدیم بیر اینانجدان ایر‌لی گلیر.

Kult.az «بئله یارانیب» روبریکاسیندا سویا خیردا پول آتماغین ماراقلی تاریخچه‌سیندن بحث ائدیر.

مثلاً، قدیم هیندیستان‌دا سویو تمیزله‌مک و استهلاک اوچون یارارلی حالا گتیرمک اوچون سولارا میس پوللار آتماق عادت ایدی. عینی مقصدله عربلر، مصرلیلر سویا قیزیل و یا گوموش پوللار آتاردیلار.

دیگر مدنیتلرده خیردا پول آتما عنعنه‌سی آخرت حیاتینا ایناملا گوجلو شکیلده علاقه‌لندیریلیردی - مثلاً، قدیم مصرده اؤلولرین آخرت‌ده یاشاماق امکانی اولماسی اوچون قبیرلره پول قویولوردو.

قدیم یونانیستانین ساکینلری دنیز و گؤللرین نیمفالارین (سو پریلری) و دیگر سو روحلارینین یاشاییش یئرلری اولدوغونا اینانیردیلار. بونا گؤره ده، سفرین تهلوکه‌سیز اولماسی اوچون بو روحلاری نذر وئردیکلری گوموش پوللارلا ساکیتلشدیرمه‌یه چالیشیردیلار. قدیم یونانلار حساب ائدیردیلر کی، کیم بو پولو اسیرگه‌سه، ائوه قاییتمایا بیلر.

رومالیلار دا دنیز ایلاهه‌سی اولان سئوگی و گؤزل‌لیک ایلاهه‌سی وئنئرانی ساکیتلش‌دیرمک اوچون سویا پول آتیردیلار.

قدیم تورکلر یولا چیخان آدامین آرخاسینجا تئز قاییتسین دئیه سو آتاردیلار. آوروپالیلار ایسه سویا پول آتماقلا گئدنین گئری گلمه‌سینی دیلیردیلر.

بئله‌جه، بو عنعنه فورمالاشیب.