تدقیقاتچی آدیگؤزل ممداوون «بؤیوک آذربایجان نامینه» کیتابینین نشری ایرانین بیر سیرا دایرهلرینده، خصوصاً ایرانین سوسیال مئدیا پلاتفورمالاریندا تنقید و اعتراضلارلا قارشیلاشیب.
Kult.az خبر وئریر کی، بو بارهده ایرانا سیغینان آذربایجان رسپوبلیکاسینین وطنداشلاری خصوصی جانفشانلیق گؤستریرلر.
اونلار کیتابین نشرینی بوتؤو آذربایجان قورولماسی پلانی استیقامتیندهکی ایشلره خیدمت ائتدیینی ادعا ائدیبلر.
قید ائدک کی، ایون آییندا ایشیق اوزو گؤرهن کیتاب، آذربایجان تاریخینده گؤرکملی ایز قویموش، دولت خادیمی، دیپلومات، طب علملری دوکتورو، پروفسور عزیز علیئوین فعالیتینه حصر اولونوب.
تدقیقات اثری تاریخیمیزین بیر چوخ گیزلی صحیفهلرینه ایشیق سالیر و تکجه اختصاصلاشمیش متخصصلر اوچون دئییل، هم ده گئنیش اوخوجو کوتلهسی اوچون خصوصی اهمیت کسب ائدیر.
مؤلف آرخیو سندلرینه اساسلاناراق، عزیز علیئوین جنوبی آذربایجاندا و داغیستاندا ایشلهدیی ایللری باشقا راکورسدان ایشیقلاندیریر، اوخوجولارا او دؤورون حادثهلرینه یئنی باخیش بوجاغی تقدیم ائدیر.