آنا صحیفه کولت |
فارس دیلی و ادبیاتینین قورونوب انکیشاف ائتدیریلمهسی، یاییلماسی و ایرانین قدیم مدنیتی، شخصیتلرینین دونیا سوییهسینده تانیتدیریلماسی استیقامتیندهکی فعالیتلرین تکمیللشدیریلمهسی اوچون، فارس دیلی و ایران ادبیاتیندا مستثنی یئری اولان نظامی گنجوی فوندونون یارادیلماسی قرارا آلیندی.
Kult.az خبر وئریر کی، بو بارهده پرزیدنت صلاحیتلرینی یئرینه یئتیرهن محمد مخبرین امضاسی ایله یاییلان بیاناتدا بیلدیریلیب.
عالی مدنی انقیلاب شوراسینینین تصدیق ائتدیی قراری ایران مدنیت و ارشاد ناظرلییی ده قبول ائدیب و اونون اجراسی، بو استیقامتده ایشلرین آپاریلماسی اوچون بوتون دولت قوروملارینا گؤندریلیب.
قید ائدک کی، خصوصیله سون ایللر ایران مدنیت و ارشاد ناظرلییی، فارس دیلی آکادمییاسی، عالی مدنی انقیلاب شوراسی و باشقا دولت قوروملاری نیظامینین فارس و ایران شاعری اولدوغو بارهده تبلیغاتلارینی آرتیریبلار.
بونون اوچون خصوصی بودجه و امتیازلار آیریلیب، بیر چوخ شهرلرین مکتبلرینده "نیظامی هفتهسی" کئچیریلیر، نیظامینین فارس و ایران شاعری اولدوغو بارهده تبلیغات ماتریاللاری نشر اولونور.
۲۰۲۲-۲۰۲۳-جو ایللرده بو قبیلدن اولان تدبیرلرین شرقی، غربی و اردبیل ایالتلرینده کئچیریلمهسی میللی و مدنی فعاللارین اعتراضلاری ایله قارشیلاشسا دا، تدبیرلر مختلیف سوییهلرده داوام ائتدیریلیر.
تاریخ
2024.07.25 / 10:42
|
مولف
جاویدان
|