دونیا ادبیاتین‌دا مینلرله ماراق‌لی و گوجلو قادین اوبرازلاری وار.

Kult.az دونیا ادبیاتین‌دا ان گوج‌لو ۱۰ قادین کاراکتری باره‌ده معلومات وئریر.

نظامی «لیلی و مجنون»- لیلی اوبرازی

لیلی اوبرازی مختلیف شاعر و یازیچیلارین تخیلونو الهاملاندیریب. دؤورونون قایدا و قانونلارینا قارشی چیخا بیلمه‌یه‌ن لیلی محبتین‌دن ده واز کئچمیر، عشق اورغونا قربان گئدیر . بو اوبراز دونیا ادبیاتین‌دا ان چوخ یاییلان اوبرازلاردان بیریدیر.

شارلوتتا برونتنین «جین ایر» رومانینین قهرمانی جین ائیر

مشهور اینگیلیس رومانی «جین ائیر» دونیانین ان یاخشی کیتابلاری سیاهی‌سیندا اونونجو یئرده‌دیر. مؤلف اؤنجه اثری جورر بل تخلصو ایله نشر ائتدیردی. الیازمایا حیران اولان نشریاتلار بئله مؤلفین قادین اولدوغونو بیلمیردیلر. رومان او دورون اصل بستسلرینه چئوریلدی. تنقیدچیلر و اوخوجولار کیتابی کوبود و حیاسیز آدلاندیراراق مؤلفی کیشی حساب ائدیردیلر.

عنعنه‌نین عکسینه اولاراق، شارلوتا برونته گوجلو بیر قهرمان یاراتدی، اونون فضیلتلری گؤزل گؤرونوشو و اطاعتکارلیغی دئییل، زکا و کاراکتری ایدی. اوشاق ایکن جین والیدینلرینین اؤلومونه، قوهوملارین عدالتسیز رفتارینا و اینترنات مکتبینده چتین حیاتا دؤزمه‌لی اولور. زنگین بیر ائوده دایه کیمی ایشله‌مک اونا بیر چوخ چتینلیکلر گتیردی، لاکین ایراده و قطعیت جین ایره اؤز خوشبختلیینی یاراتماغا کمک ائدیر.
آردی وار...