رژیسور اورخان آغازادنین "کینومخانیکین قاییدیشی" فیلمی جنوبی کورئیادا کئچیریله‌ن سندلی فیلم فستیوالی – «EBS International Documentary Festival»دا گران-پری قازانیب.

Kult.az خبر وئریر کی، ۲۰۲۴-جو ایلین استحصالی اولان تام‌متراژلی سندلی فیلم آذربایجان و تالیش دیللرینده چکیلیب.

سناری مؤلفی اورخان آغازاده، اپراتورو دانیل قولیئو، مونتاژچی‌سی نیکول شمیر، سس رژیسورو مرتضی نجفلو، پرودوسرلری لینو رتینگر و فرانچویس-پیر کلاولدیر.

اکران اثری بوندان اؤنجه آلمانییادا (کلن شهری) کینو ساحه‌سی اوزره نفوذلو مکافاتلاردان ساییلان، اپراتور (تصویر رژیسورلوغو) و مونتاژ (گرافیکا) ایشینه گؤره وئریله‌ن «آلمان کامرا مکافاتی»نین غالبلری سیراسیندا یئر آلمیشدی.

فیلمین قهرمانی کئچمیش کینومخانیک سامید اوغلونو ایش قضاسیندا ایتیرندن بری تنها و ملانخولیک حسلرله یاشاییر. بو احوال‌دان قورتولماق اوچون اولکی پئشه‌سینه قاییتماق، کینو نمایشلرینی جانلاندیرماق اوچون ایشه باشلاییر. گنج آیازی دا بو ایشه تشویق ائدیر. آرالاریندا بؤیوک یاش فرقی اولسا دا، هر ایکی‌سینین کینویا هوسی وار و اوجقار کندده کوتلوی کینو نمایشینی یئنی‌دن تشکیل ائتمک ایدئیاسی ایله یاشاییرلار. بونون اوچون کند ساکنلرینی کینو اکرانی اوچون یئر تیکمه‌یه ایناندیرماق، کهنه پرویکتورلاری تعمیر ائتمک، رهبرلیکدن اجازه آلماق و سایر لازم‌دیر...