غربی آذربایجان ایالتینین مرکزی اورمییا شهرینین یاخینلیغیندا یئرلشه‌ن تاریخی "باش قالا" عابده‌سی تمامیله داغیدیلیب.

Kult.az خبر وئریر کی، بو باره‌ده یئرلی مدنی فعاللار معلومات یاییب.

بیلدیریلیب کی، بوندان اول ۲۰۲۰-جی ایلدن باشلایاراق ۲۷۰۰ ایل تاریخی اولان قالادا قانونسوز قازینتی ایشلری آپاریلماغا باشلاییب.

"تاریخی اثرین محو ائدیلمه‌سی ایله باغلی علاقه‌دار قوروملارا ائدیله‌ن مراجعتلر نتیجه وئرمه‌ییب، عابدنین قورونماسی ایله باغلی تدبیر گؤرولمدیی اوچون اورارتو دورونه عاید کورقان تمامیله داغیدیلیب"،- معلوماتدا بیلدیریلیب.

"باش قالا" عابده‌سینین یاخینلیغیندا یئرلشه‌ن چیچکلی کندینین ساکنلرینین سؤزلرینه گؤره، بیر نئچه ایل اول تاریخی مکان‌دا قازینتی آپارماغین قاداغان ائدیلدیینی بیلدیرن لوحه قوراشدیریلسا دا، لوحه، قانونسوز قازینتی آپارانلار طرفیندن سؤکولوب.

غربی آذربایجان ایالتینین مدنی ارث تشکیلاتینین نماینده‌لری ایسه ایران مدنی ارث تشکیلاتینین "باش قالا" ایله باغلی سرانجام وئرمدیی و وسائط آییرمادیغی اوچون پروبلمی حل ائده بیلمه‌دیلرینی ادعا ائدیبلر.

قید ائدک کی، غربی آذربایجان ایالتینده رسمی شکلده قیده آلینمیش ۱۶۰۰ تاریخی عابده و اثر موجوددور و اونلاردان بیر نئچه‌سی ملی اثرلر سیاهیسینا سالینیب.