تبریز شهرینین مرکزینده یئرلشن تاریخی گولوستان باغیندا اوزون عؤمورلو آغاجلار کسیلیر، یاشیللیق زولاغی محو ائدیلیر.

Kult.az خبر وئریر کی، بو باره‌ده یئرلی اکوفاللار معلومات یاییب.

"تبریز بلدییه‌سی گولوستان باغی اراضی‌سینین ۱۰۰۰ کوادرات مترینی تهلوکه‌سیزلیک اورگانلاریندان بیرینین اختیارینا وئریب. بوندان سونرا تاریخی پارک‌دا آغاجلار کسیلیب و یاشیللیق زولاغینین محو ائدیلمه‌سی داوام ائدیر"،- معلومات‌دا بیلدیریلیب.

۵.۲ هکتار اراضیسی اولان و شهرین مرکزینده یئرلشن گولوستان باغی تبریزین، عمومیلیک‌ده ایسه ایرانین ان قدیم شهرداخیلی پارکلاریندان بیری ساییلیر.

بیر سیرا تاریخی قایناقلاردا حاضیرکی گولوستان باغینین عربلرین آذربایجانی اشغالیندان سونرا عباسی خلیفه‌سی هارون الرشیدین حیات یولداشی زوبیده خاتونون تبریزه سفری زامانی سالیندیغی یازیلیب. ۲۰-جی عصرین اوللرینده یئنیدن پارک کیمی استیفاده‌یه وئریلن گولوستان باغی بیر چوخ سیاسی و اجتماعی حادثه‌لرین شاهیدی اولوب.

بورادا آذربایجان و تبریزین سیاسی، اجتماعی و مدنی حیاتیندا اهمیتلی رول اوینایان ییغین‌جاقلار، میتینگلر کئچیریلیب.

۱۹۶۱-جی ایلده ایران‌دا گاسترول سفرینده اولان رشید بهبوداوون گولوستان باغینداکی کونسرتی یاشلی تبریزلیلرین یادیندا قالان ان اهمیتلی مدنی حادثه‌لردن بیریدیر.