ایران‌دا ۱۷ سنتیابر محمدحسین شهریارین آنیم گونو مناسیبتیله «فارس دیلی و پوئزییاسی گونلری» آدلی سلسله تدبیرلر کئچیریلیر.

Kult.az خبر وئریر کی، بو باره‌ده یئرلی مئدیا معلومات یاییب.

«فارس دیلی و پویزییاسی گونلری» بو ایل اؤتن ایللره نیسبتا آذربایجان بؤلگه‌لرینده گئنیش قید اولونماسا دا، بعضی شهرلرده بیر نئچه تدبیر کئچیریلیب، تبریزده ایسه پانفارسیست دایرلره منصوب شخصلرین تشببوثو ایله یئرلی واختلا ساعت ۱۹-۲۱ آراسی مراسیم کئچیریلمه‌سی پلانلاشدیریلیب.

بونونلا یاناشی ایرانین آپاریجی مئدیا اورگنلاری و سایتلاریندا همین گونله باغلی ماتریاللار درج اولونوب، شهریار داها چوخ فارس شاعری کیمی تقدیم ائدیلیب.

قید ائدک کی، ۲۰۰۰-جی ایلده آذربایجان شاعری محمدحسین شهریارین اؤلوم تاریخی‌نین - ۱۷ سنتیابرین - «فارس دیلی و پویزییاسی گونو» کیمی قید ائدیلمه‌سی تکلیف اولونوب. درحال قبول ائدیلن بو تکلیفه آذربایجانلی مدنیت خادیملری، یئرلی آذربایجانلیلار اعتراض ائدیب، اونون لغوی ایله باغلی مراجعتلر ائتسه‌لر ده، بونا اهمیت وئریلمه‌ییب.

۲۳ ایلدیر قید اولونان گونله باغلی کئچیریلن تدبیرلره آذربایجانلیلار اهمیت وئرمه‌دیی اوچون حکومت دولت مأمورلارینی مجبوری جلب ائدیب، باشقا ایالتلردن قوناقلار گتیره‌رک تدبیری هر ایل گون‌ده‌مده ساخلاماغا چالیشیر.

«فارس دیلی و پویزییاسی گونو»نون ایدئیا مؤلفی علسگر شعردوست‌دور. ۱۹۶۲-جی ایلده تبریزده دونیایا گلن و چوخسایلی وظیفه‌لرده چالیشان علسگر شعردوست اسلام انقلابی ایدیالارینین، فارس دیلی و ادبیاتینین اورتا آسییا و قفقازدا یاییلماسی ساحه‌سینده‌کی فعالیتلرینه گؤره دفعه‌لرله حکومت طرفیندن مکافاتلاندیریلیب.

محمد فضولی‌نین باکی‌دا کئچیریلن ۵۰۰ ایللیک یوبلیینده ا.شعردوست کئچمیش پرزیدنت حیدر علیئوه شاعرین فارسجا شعیرلریندن عبارت نئچه جیلدلیک دیوانینی تقدیم ائدیب.

«محمد فضولی آذربایجان شاعریدیر و آذربایجان دیلینده اثرلر یارادیب. بس اونون اؤز آنا دیلینده یازدیغی شعرلری نیه نشر ائتمیرسینیز»، - مرحوم پرزیدنت حیدر علیئو ده اونا ایرادینی بیلدیرمیشدی.