اردبیل ایالتی‌نین خیاو (مشکین) رایونوندا یئرلشن تاریخی آرشاق قالاسی بؤلگه‌ده معدن استثماری اوچون آپاریلان پارتلاییشلار سببیندن داغیلیر.

Kult.az خبر وئریر کی، بو باره‌ده یئرلی مدنی فعاللار معلومات یاییب.

بلدیریلیب کی، مدنی فعاللارین مراجعتلرینه باخمایاراق، تاریخی عابیده یاخینلیغیندا غیری-استاندارد استخراج ایشلری داوام ائدیر.

"بو، آرشاق قالاسی‌نین زده‌له‌نمه‌سی و داغیلماسی ایله یاناشی بؤلگه کندلرینین، او جمله‌دن جبدره، تبنق، حاجیلی و آغدره کندلرینین اکین ساحه‌لری و یئرآلتی سو قایناقلارینین دا ضرر گؤرمه‌سینه سبب اولوب"،- معلوماتدا دئییلیر.

قید ائدک کی، آرشاق قالاسی ائلخانلیلار و سلجوقلولار دؤورونه عایید نادر تاریخی عابده‌لردن ساییلیر.

قالا ۳۱ مای ۲۰۰۳-جو ایلده ایران مدنی ارث سیاهیسینا سالینسا دا، برپاسی و قورونماسی ایله باغلی ایش گؤرولمه‌ییب.