مدریکلیک انسان اوغلونون ان عالی درجه‌لریندن بیریدیر.

Kult.az مودریک‌لیک باره‌ده دئییلمیش آفوریزملری تقدیم ائدیر. اونلارین ایچریسیندن ۱۸ ان یاخشی‌سینی سئچمیی سیزین اختیارینیزا بوراخیریق.

عادتاً آداملار اؤزونده اولانی باشقاسینا باغیشلاییر؛ مدریکلر ایسه سنده اولانی سنه ارمغان ائدیر. (ابو تورخان)

عادی آداملاردان اوجا دوران شخص همیشه یالقیزدیر. (لئو تولستوی)

آخینا دوشه‌نلر باشقا یوللارین ممکن‌لویونو هئچ آغلینا دا گتیرمیر. مدریک آدام ایسه فرق‌لی یوللاری گؤرور و اؤزو سئچیم ائدیر. (ابو تورخان)

آخماق یوکسک وظیفه‌ده اولان‌دا هامی اونو داهی ظن ائدیر. (هلوئتسی)

آخماق‌لیق کیچیک‌لیک دئییل؛ آخماغین دا بؤیویو-کیچیی اولور. (ابو تورخان)

باشقاسینین یاریم-یاریمچیق تعلیملرینی اؤیره‌نمکدنسه، اونلاری یئنی‌دن یاراتماق داها راحتدیر. (ابو تورخان)

باتان گونشین کؤلگه‌سینده اؤلچولرینه گؤره اؤزونو بؤیوک ظن ائتمه. (پیفاگور- فیثاغورث)

بشریت اوچون داهی اولان اینسان دا اؤز عائله‌سینین عادی عضوو اولماغی باجارمالیدیر. (ابو تورخان)

بعضی آداملار مشهوردورلار، بعضی آداملار ایسه مشهور اولماغا لاییقدیرلر. (دوریس لسینق)

بؤیوک آداملار کیچیک ایشلرده چوخ واخت سریشته‌سیز اولورلار. (ابو تورخان)

بؤیوک اینسانین فاجعه‌سینین سببی اونون یاشادیغی محیطین قالیبلرینه سیغماماسیندادیر. اصلینده بو، اجتماعی محیطین، جمعیتین فاجعه‌سی‌دیر. اما بو فاجعه‌نی آنجاق دویا بیله‌نلر یاشاییرلار. (ابو تورخان)