آذربایجان دیلین‌ده ده، تورک دیلینده ده «سو اویویار، دوشمن اویوماز» کیمی بیر آتالار سؤزو وار. سو ایله دوشمنین نه علاقه‌سی وار؟ بو مثل نئجه یارانیب؟

Kult.az «بئله یارانیب» روبریکاسین‌دا بو باره‌ده معلومات وئریر.

آراشدیرمالارا گؤره، بو مثل‌ده سو یوخ، سوی کلمه‌سی ایشلنیر. سوی قدیم تورک دیلینده عسگر دئمکدیر. یعنی عسگر اویویار، اما دوشمنی اویوماز. بو مثل عسگرلری دقت‌لی اولماغا چاغیریر.

بیر چوخ تدقیقات‌چیلار ایسه حساب ائدیرلر کی، مثل‌ده‌کی سؤز سوی یوخ، ائله سو دئمکدیر. آنلامی ایسه بئله‌دیر. سو کیمی سوروکن، آخیجی، حرکتلی بیر ماده بئله اویوسا دا، دوشمه‌نلر دایم اویاق قالیر، بونا گؤره ده دایم دقت‌لی اولماق لازیمدیر.