اوکتیابرین ۲۴-ده «لاندمارک» کینو کلوبوندا آرگنتینا فیلم فستیوالینین آچیلیش مراسمی اولوب.

Kult.az خبر وئریر کی، تدبیرده چیخیش ائد‌ن آرگنتینانین آذربایجان‌داکی سفیری ماریانخلس بلوشی فستیوال حاقین‌دا معلومات وئریب.

سفیر قید ائدیب کی، بو فستیوال آذربایجان و آرگنتینا آراسیندا مدنی کؤرپو رولونو اویناییر.

«زنگین پووستی و اونیکال پرسپکتیوی ایله آرگنتینا کینوسو شخصیتیمیزه آچیلان پنجره‌یه چئوریلیب. بو، بیزیم تاریخیمیزی عکس ائتدیریر. فستیوال چرچیوه‌سینده گؤستریلن اکران اثرلری واسطه‌سیله تماشاچیلار جمعیتیمیزین آپاردیغی مباریزه و اوغورلاری بیر داها درین‌دن آراشدیراجاقلار»،- دئیه خانیم دیپلمات علاوه ائدیب.

سونرا آرگنتینالی رژیسور آریئل وینوقرادین اکرانلاشدیردیغی «عصرین اوغورلوغو» فیلمی نمایش اولونوب.

۲۰۲۰-جی ایلین استحصالی اولان فیلم‌ده روللاری آکتیورلار قیلرمو فرانسللا، دیگو پرتتی، لویس لوک ایفا ائدیبلر.