لاتوییانین پایتاختی ریگادا «توخونموش نار: آذربایجانین عظمتلی خالچالاری» آدلی آذربایجان خالچالارینین سرگیسی آچیلدی.

Kult.az خبر وئریر کی، ریگا یئنی صنعت موزئیینده کئچیریله‌جک و دکابرین سونونادک داوام ائد‌جک سرگیده آذربایجانین خالچاچیلیق عنعنه‌لریندن دانیشیلاجاق، ال ایشی اولان بیر نئچه خالچا تقدیم ائدیله‌جک.

او جمله‌دن «آذرخالچا»نین رسام سامیره آللاهوئردیئوانین اثرلری اساسیندا توخودوغو خالچالار تقدیم اولوناجاق.

سرگینین اساس موتیوی آذربایجان مدنیتینده بوللوق و بیرلیک رمزلریندن بیری اولان ناردیر.

«نار تصویرینه آذربایجان‌دا هم توخونموش خالچالاردا، هم ده مختلف صنعت اثرلرینده چوخ تئز-تئز راست گلینیر. اوسته‌لیک، آذربایجان‌دا هر ایل خصوصی «نار فستیوالی» کئچیریلیر»، - ریگا یئنی صنعت موزئیینین لاییحه کوردیناتورو یولییا تروفیمووا بیلدیریب.

سرگی آذربایجانین لاتوییاداکی سفیرلیی و «آذرخالچا» شرکتینین امکداشلیغی ایله تشکیل اولونوب.