کانادانین کالقاری شهرینده آوروپا مدنیت جمعیتینین تشکیلاتچی‌لیغی ایله «آوروپا خالق رقصلری» بین‌الخالق رقص مسابقه‌سی کئچیریلیب.

Kult.az خبر وئریر کی، بو باره‌ده رقصلرین عرصه‌یه گلمه‌سینده بؤیوک زحمتی اولان، اونلارا قورولوش وئرن باکی خورئوگرافیا آکادمییاسینین معزونو، تورکسوی مکافاتچی‌سی و مدنیت ناظرلییی طرفیندن «ایلین ان فعال گنجی» آدینا لاییق گؤرولن لاله آسلانور معلومات وئریب.

مسابقه‌ده آذربایجان، بلغاریستان، رومینییا، یونانستان، پولشا، اوکراینا، خورواتییا و دیگر آوروپا اؤلکه‌لرینین تمثیل‌چیلری اؤز میللی رقصلری ایله چیخیش ائدیبلر.

چوخ زنگین عنعنه‌لره مالک آذربایجان رقص مدنیتی بو دفعه ده دونیا آرئناسیندا اؤز عظمتینی نوماییش ائتدیره‌رک مسابیقه‌ده بیرینجی‌لیک قازاناراق قیزیل مئدالا لاییق گؤرولوب.

«سئویندیریجی حالدیر کی، آذربایجانی تمثیل ائد‌ن رقاصلارین هامی‌سی کانادادا یاشایان آذربایجان‌لیلاردان عبارتدیر. مسابیقه‌یه ۴ آی اول حاضرلاشماغا باشلادیق. کانادادا یاشایان آذربایجان‌لیلار «منیمله رقص ائت» پروقرامیم اساسین‌دا اونلاین درسلر چرچیوه‌سینده چوخ جدی شکیل‌ده حاضرلیق کئچدیلر. ایلک توردا ملی و بالت سینتزینی اؤزونده بیرلشدیره‌ن «قاوال» ملی رقصیمیز ناغارا موسیقی آلتینین اسرارنگیز ریتملری ایله مونصیفلر هئیتینین بؤیوک ماراغینا سبب اولدو. ایکینجی توردا آذربایجانی دنیایا تانی‌دان داهی بسته‌کاریمیز اوزییر حاجی‌بی‌لینین «کوروغلو» اوپراسین‌دان محتشم رقص تقدیم ائتدیک. آذربایجان نماینده هئیتینین محتشم پرفورمانسی مونصیفلر هئیتینین هموطنلریمیزی ۱-جی یئره لاییق گؤرولمه‌سی ایله یئکونلاشدی. صحنه‌ده آذربایجان بایراغینین دالغالانماسی و رقاصلاریمیزین بیرینجی‌لیک قازانماسی رقص مدنیتیمیزین تاریخینه قیزیل حرفلرله حک اولوندو».