۲۶ آذر ۱۳۲۶-جی ایلده (میلادی تقویمی ایله ۱۷ دکابر ۱۹۴۶-جی ایل) تبریز باشدا اولماقلا گونئی آذربایجان شهرلرینده آذربایجان دیلینده اولان کتابلار یاندیریلیب.

Kult.az خبر وئریر کی، بو مدنی سویقیریم جنوبی آذربایجان ملی حکومتینین سقوطوندان بیر نئچه گون سونرا باش وئریب.

۱۹۴۶-جی ایلده آذربایجان ملی حکومتی دئوریلدیکدن سونرا مرکزی حکومت قوشونلاری آذربایجان شهرلرینده قیرغین تؤرتمکله یاناشی، آذربایجان دیلینده نشر اولونان درسلیک و باشقا کتابلارین یاندیریلماسینا باشلاییبلار.

۲۶ آذر (۱۷ آدکابر) گونو گونئی آذربایجانین بیر چوخ بؤلگه‌لرینده حکومت قوشونلاری و اونلارین یئرلی ال‌آلتیلاری بیر ایللیک ملی حکومت دورونده چاپ اولان آذربایجانجا کتابلاری توپلایاراق محو ائدیبلر.

او حادثه‌نین اوستوندن ۷۸ ایل کئچمه‌سینه باخمایاراق، بو گون ده ایراندا آذربایجان دیلی و مدنیتینه قارشی اوخشار مناسبت گؤستریلیر.

ایران کونستیتوسییاسینین ۱۵-جی ماده‌سینه اساساً غیر فارس دیللرینین تدریسینین و مدیادا استفاده‌سینین آزاد اعلان ائدیلمه‌سینه باخمایاراق، ایران حکومتی ۴۵ ایلدن آرتیقدیر کی، مختلف بهانه‌لرله بو پرینسیپین حیاتا کئچیریلمه‌سینه مانع اولوب، اون میلیونلارلا آذربایجانلینی تحصیل حقوقوندان محروم ائدیب.