بو گون ۲۶ آذر ۱۴۰۲-جی ایل سحر ساعتلاریندا گونئی آذربایجانین قوجامان شاعر و یازیچیلاریندان اولان علی نظمی ادیب (نظمی تبریزی) ۹۶ یاشیندا دونیاسینی دییشیب.

Kult.az خبر وئریر کی، او، محمد حسین شهریارین ان یاخین دوستلاریندان اولوب.

نظمی تبریزی‌، تبریزده‌کی سورخاب قبریستانلیغین‌دا "مقبره‌الشعرا"دا، شهریارین دفن اولدوندوغو یئرده دفن اولونوب.

مشروطه حرکاتینین تانینمیش سیمالاریندان اولان حسین پاشانین اوغلو نظمی تبریزی ۲۴ سنتیابر ۱۹۲۷-جی ایلده تبریزده آنادان اولوب.

او، شهریارلا ان یاخین مناسبت‌ده اولان شخصلردن بیری اولوب. بونا گؤره، ۱۹۸۸-جی ایلین ۲۰ سنتیابریندا "حیدربابایا سلام" پویماسی‌نین مؤلفینی تبریزده‌کی سورخاب قبریستانلیغیندا "مقبره‌الشعرا"دا او تورپاغا تاپیشیریب.