«دستمال آیریلیق‌دیر، هئچ کیمه دستمال هدیه ائتمک اولماز» افاده‌سینی یقین کی ائشیتمیسینیز. دستمال باغیشلاماق یاخشی علامت حساب اولونمور. هم ده تکجه بیزده یوخ، بوتون دنیا خالقلارینین مدنیتینده.

Kult.az «بئله یارانیب» روبریکاسیندا بو باره‌ده معلومات وئریر.

قدیم دورلردن بری دستمال بیر چوخ مراسیملرده استفاده اولونوردو. بو مراسیملردن ان اؤنملی‌سی دفن پروسسی ایدی، حتی خصوصی دفن دستماللاری وار ایدی.

دستمال بیر نؤو یاسلا آسوسیاسییا اولوندوغونا گؤره اونو هدیه وئرمک خوش قارشیلانمیردی.

اوللر کندلرده کیمسه اؤلنده، یاس دوشن ائوده قاپی باغلانمیر، اوستونه دستمال آسیلاراق ماتمی بیان ائدیردیلر.

قدیم سلاویانلار، آوروپا خالقلاری ائوده یاس دوشن‌ده دستمالی قاپی ایله یاناشی، هم ده پنجره‌دن آسیردیلار، چونکی اینانجا گؤره، مرحومون روحو ۴۰ گون آخرته گئتمه‌ییب اطرافدا دولاشیردی. اگر پنجره‌یه باغلانمیش دستمال اثر، تیتریردیسه، روحون ائو صاحبلرینی دینلدیینه ایناناردیلار. ۴۰ گون سونرا همین دستمالی یاشاییش مسکنین‌دن اوزاق بیر اراضی‌ده تورپاغا باسدیریردیلار. بونونلا دا روحو آزاد ائدیب، تمامیله او بیری دنیایا یولا سالیردیلار.

ائولرینی ترک ائد‌ن - محاربه‌یه و یا اوزاق اؤلکه‌لره گئدن کیشیلره ده دستمال وئریلیردی.

آتالاریمیز اینانیردیلار کی، بیرینه دستمال وئرمکله، دستمال ایله بیرلیکده پروبلملرینیزی باشقا بیر اینسانا اؤتوره، اونا بدبخت‌لیک و جدی خسته‌لیکلر گتیره بیلرسینیز.

قارا و آغ تیکمه اولان محصوللار ان تهلوکه‌لی حساب اولونوردو، بونا گؤره ده بئله دستماللاردان نشان، وافتیز و یا توی مراسیملرینده استفاده ائدیله بیلمزدی.

اینانجا گوره کیمه‌سه مطبخ و یا حمام دستماللاری وئریرسینیزسه، بو انسانلار هدیه‌نی آلاجاندا اینسانین زوقونو نظره آلمالیلار. سئودییی انسانلارا دستمال هدیه ائتمزلر کی، آیریلماق احتمالی اولماسین. اینانیرلار کی مین ایللرله یول گلن اینانجلارین آردیندا مطلق نسه بیر حقیقت وار.