اقتصادی امکداش‌لیق تشکیلاتینین (اکو) مدنیت اینستیتوتونون تقویمین‌ده نظامی گنجوینین آذربایجان شاعری، رودکی‌نین تاجکستان، مولانانین (جلال‌الدین رومی) ایسه تورکیه شاعری اولماسی ایله باغلی آچیقلامالار یئنی‌دن ایران مئدیاسینی اؤزوندن چیخاردیب.

Kult.az خبر وئریر کی، بو باره‌ده «دنیا اقتصاد» سایتی غرضلی شکیل‌ده اؤز اعتراضینی بیلدیریب.

سایتین ادعاسینا اساساً، اکونون مدنیت اینستیتوتو بونونلا باغلی یازیب: «بعضی مطبوعاتدا اینستیتوتون ۲۰۲۵-جی ایلین ایللیک تقویمینده «ایران‌لی شاعرلرین» اینستیتوتون دیگر عضو اؤلکه‌لرینین شاعری کیمی تقدیم ائتمه‌سی یالاندیر».

قید ائدک کی، نظامی گنجوی دنیادا داهی آذربایجان شاعری کیمی قبول ائدیلسه ده، ایندینین اؤزونده بئله ایران‌دا اونا صاحبله‌نمک ادعالاری هله ده بیتمیر. بئله اساس‌سیز فکرلره، ایران مطبوعاتین‌دا داها چوخ راست گلینیر. ایران دولت رسمیلری ایسه فرصت دوشن کیمی نظامینین فارس اولدوغونو دئمکدن هئچ ده اوتانمیرلار.