استالین، تاغییئو و رسولزاده‌نین گیزلی گؤستریلدیی اوچ آذربایجان فیلمی حاقین‌دا آراشدیرما ماتریالی یاییملانیب.

Kult.az خبر وئریر کی، بو باره‌ده باکو تی.وی ماراقلی سوژت حاضرلاییب.

اوشاقلیق‌دان بو گونه کیمی ایزلدییمیز ۳ فیلم وار کی، چوخ اوستالیقلا اؤزونده بیر خیلی مقامی گیزلدیب. سیرلرله دولو بیرینجی فیلمیمیز آغارضا قولیئوین ۱۹۶۰-جی ایلده قورولوش وئردیی "سحر" فیلمی‌دیر.

مهدی حسینین سناری‌سی اساسیندا چکیلن فیلم ۲۰-جی عصرین اولینده‌کی انقلابچیلار شهری باکینی گؤرمک اوچون ایده‌آل ماتریال‌دیر. دقتلی تماشاچی بو اکران اثرینده "همت" قزتینی، بولشئیک خانلار سفرعلیوی، محمد امین رسولزادنی و استالینی گؤره بیلر.

اؤزونده بیلینمه‌یه‌ن مقاملاری گیزله‌دن ایکینجی فیلمیمیز حسین سیدزاده‌نین قورولوش وئردیی "یئنی‌لمز باتالیون"دور. ۱۹۶۵-جی ایلده چکیلن "یئنی‌لمز باتالیون" فیلمی ۱۹۰۷-جی ایل زاگاتالا حادثه‌لرینه حصر اولونوب. ائران اثرینده چار حکومتی طرفیندن زاگاتالایا سورگون ائدیلمیش "پوتیومکین" زیرهلی گمی‌سینین عصیانکار ماتروسلاری ایله یئرلی انقلابچیلارین روسیا ایمپرییاسینا قارشی بیرگه مبارزه‌سیندن دانیشیلیر.

فیلمین ۱۵-جی دقیقه‌سیندن اعتباراً بیر نئچه اپیزوددا حاجی زین‌العابدین تاغییئوی گؤروروک. یوسف یولدوزون فیلم‌ده جانلاندیردیغی اوبرازین آدی "حاجی"دیر. او دا تاغییئو کیمی مولکداردیر. تاغییئوین دوشمن اعلان ائدیلدیی سووت دورونده سناریست قیلمان ایلکین بیله‌رک‌دن بو اوبرازی فیلمه داخیل ائدیب کی، بؤیوک خیریچینین کیم‌لییی اونودولماسین. گیزلی مئساژ وئره‌ن اوچونجو فیلمیمیز "بؤیوک دایاق"دیر.

یازیچی میرزا ابراهیمووون عینی آدلی رومانینین موتیولری اساسیندا حبیب اسماعیلووون چکدیی "بؤیوک دایاق" فیلمی ۱۹۶۲-جی ایلده اکرانلارا چیخیب. بو فیلم استالینین اؤلوموندن سونرا شخصیته پرستیشه قارشی چکیلمیش اکران اثریدیر. فیلم‌ده علسگر علکبرووون جانلاندیردیغی "روستم کیشی" اوبرازینی استالینین پروتوتیپی حساب ائتمک اولار. فیلمین ۱۰-جو دقیقه‌سینه دقتله باخساق، روستم کیشینین استالین کیمی قلیان چکدیینی گؤره بیلریک.

اطرافلی سوژت‌ده: