نظامی کینو مرکزین‌ده «خوجالی. سون توی...» فیلمینین تقدیمات مراسمی کئچیریلیب.

Kult.az خبر وئریر کی، بدیعی-سندلی فیلمینین سوژئت خطی ۳۳ ایل اؤنجه ارمنیلرین خوجالینی آتشه توتماسی نتیجه‌سینده یاریمچیق قالان سونونجو توی مراسیمینه اساس‌لانیر.

«خوجالی. سون توی...» بدیعی-سندلی فیلمینده ده ایللر اؤنجه "واغزالی"سی یاریمچیق قالان تویون صدالاری یئنی‌دن ائشیدیلیر، آزاد-آباد خوجالی یئنی‌دن توی-بایرام احوال روحیه‌سینه بورونور.

اکران ایشین‌ده آذربایجان خالقینین کشمکش‌لی تاریخینین ان آغریلی صحیفه‌سی اولان خوجالی یاراسینین محض بو تویون فونون‌دا یئنی‌دن سئوینجه، پوزیتیو گله‌جه‌یه کؤکله‌نمه‌سی عکسینی تاپیر.

یاریمچیق قالان تویون بیی واسیف قافاروو و گلینی دوردانه مممدووا، ائلجه ده همین تویدا اشتراک ائد‌ن دیگر قوناقلار، قوهوملار، موسیقی هیئتی ایللر سونرا یئنی‌دن دوغما آتا-بابا یوردلارینا گله‌رک توی مراسمی داوام ائتدیریر، خوجالی ساکینلرینین یئنی‌دن دوغما یوردلارینا دؤنوشونو ایانی فورمادا نمایش ائتدیریرلر.

فیلمین ایدئیاسی ۱۹۹۲-جی ایل ۱۸ یانوارین‌داکی سؤزوگئدن تویون فوتوسوندان ایلهام‌لاناراق گئرچکلشیب. اکران ایشی خوجالی‌دا یاریمچیق قالان تویو، بوندان سونرا باش وئرن پروسسلری و گونوموزو اؤزونده عکس ائتدیریر. سؤزوگئدن تویدا چکیلن آغ-قارا فوتو یئنی‌دن ظفر بایراغی سانجیلمیش آزاد خوجالی‌دا همین فوتونون رنگلنمیش واریانتی ایله جانلاندیریلیر کی، بو دا خوجالینین یئنی‌دن دیرچلمه‌سینی، یئنی نفس تاپماسینی ترنم ائدیر.

فیلمین رئال کادرلاری خوجالی‌دا، بدیعی حیصه‌سی ایسه آغسودا لئنته آلینیب.

تدبیرده چیخیش ائد‌ن خوجالی‌دا سون تویون گلینی اولموش دوردانه مممدووا دا فیلمین عرصه‌یه گلمه‌سینده امیی کئچن هر کسه تشکر ائدیب:

«شوکورلر اولسون کی، اسیر خوجالیمیز آزاد اولوندو. شهیدلریمیزین روحو قارشی‌سیندا باش اییر، عالی باش کوماندانا، قاضیلریمیزه، بو فیلمین یارانماسین‌دا امیی اولان هر کسه میننتدارلیغی‌می بیلدیریرم.»