ایران‌دا غیری-فارس دیللرین تدریسی طلبی‌نین آرتماسی ایله عینی واختدا ایران سیاسی ادبیاتیندا "مرکزچیلر" آدلاندیریلان جریان منصوبلاری سوسیال مئدیادا "فارس دیلی سنگریمیزدیر" آدی آلتیندا کامپانییا باشلادیبلار.

Axar.az خبر وئریر کی، بو باره‌ده یئرلی سوسیال مئدیا شبکه‌سینده معلومات یاییلیب.

معلوماتا گؤره، کامپانییا پارنفارسیست گروپلارا منصوب شخصلر طرفیندن باشلادیلسا دا، بونا حاکمیت‌ده اولان شخصلر ده، او جمله‌دن فارس دیلی آکادمیاسی‌نین باشچیسی غلامعلی حداد عادل دستک وئریر.

مسعود پزئشکیان حکومتینین سؤزچوسو فاطمه مهاجرانی‌نین غیری-فارس دیللرین تدریسی ایله باغلی موقعیینی دییشمه‌سینین ده همین پانفارسیست گروپون تضییقی نتیجه‌سینده اولدوغو بیلدیریلیر.

قید ائدک کی، فاطمه مهاجرانی بیر مدت اول غیری-فارس دیللرین تدریسی‌نین مقبول اولدوغونو بیلدیریب، ایکی گون سونرا ایسه فکیرلرینین یانلیش آنلاشیلدیغینی، تدریسین یالنیز فارس دیلینده اولماسینین واجیبلیینی و غیری-فارس دیللرین یالنیز ادبیاتینین اؤیردیلمه‌سینین ممکن اولدوغونو سؤیله‌ییب.