باشقیردستانین پایتختی اوفادان اولان«آی یولا» گروپو دنیا چارتلاریندا ویرال اولوب.

Kult.az خبر وئریر کی، اوفادان اولان اتنو-پوپ تریوسو ۲۰۲۴-جو ایلده تاسیس ائدیلیب.

گروپ باشقیرد عنعنوی موتیولری و معاصر الکترون آرانژیمانلار اساسیندا اثرلر یارادیر و ایفا ائدیر.

«اورال باتیر» موسیقی آلبومون‌دان اولان «هومای» ماهنی‌سی هیته چئوریل‌دی و میلیونلارلا تاماشاچی قازان‌دی.

قید ائدک کی، حاضردا "آی یولا" گروپو "شازام" دنیا توپوندا ۷-جی یئرده قرارلاشیب — اونلار حتی لادی گاگانی دا گئریده قویوبلار.

"هومای" ماهنی‌سینین سؤزلرینی تقدیم ائدیریک:

منیم کؤکلریم سوروشور،

هم روحوم، هم قانیم سوروشور،

ان قدیم تاریخی یادداش سوروشور:

کیم‌دیر هومای؟

هومایین آناسی گونش ایدی،

جان‌لی سو بولاغین‌دا چیمدیردی اونو.

آتاسی سامراو ایسه

اونا مرحمت آشیلادی.

آکبوزاتین و آلماز قیلینجین قورویوجوسو

یالنیز هومای ایدی.

جانلی سو بولاغینا آپاران یولو

یالنیز هومای بیلیردی.

او، یادائل‌لییه اره گئتمه‌دی،

اؤز یوردونون عادتینی پوزمادی،

صادق اوغوللار بؤیوتدو،

هومای – خوشبخت‌لیک قوشو!

قیزلاریمیز – باشقیرد گؤزللری –

هومایین اولدوزجوقلاریدیر.

جان‌لی سو بولاغینا گئدن یول

روحلارینیزدا حک اولونوب.