آذربایجانین خالق آرتیستی آیگون کاظیمووانین "س.او.س" ماهنی‌سی ارمنیلر طرفین‌دن حیاسیزجاسینا منیمسه‌نیلیب.

Kult.az خبر وئریر کی، ارمنی قارمون ایفاچی‌سی توروس پاپویان یوتوب کانالین‌دا اؤزونو ماهنینین مؤلفی کیمی تقدیم ائدیب.

مسکوادا یاشایان ایستیلیست-کولوریست سابینین ایفاسیندا روس دیلین‌ده اولان جوور ورسیاسی سایه‌سینده یئنی پوپولیارلیق دالغاسی قازانان و دنیا موسیقی ترندینه چئوریلن آیگون کاظیمووانین بو ماهنی‌سی الکترون موسیقی پلاتفورمالارین‌دا سرعتله پوپولیارلیق قازانماغا باشلادی.

ارمنی موسیقی‌چی و گارمون ایفاچی‌سی توروس پاپویانه ایسه هئچ بیر اوتانمادان آیگون کاظیمووانین ماهنی‌سینی اؤزونمخصوص ماهنی کیمی قبول ائدیب و مؤلف‌لییی اوزرینه گؤتوروب.

قید ائدک کی، ماهنینین سؤزلری اورخان قاراباسمایا، موسیقی‌سی کاظیمجانا عایددیر. کلیپین یارادیجی ایشلرینی ایسه دنیاجا مشهور آذربایجانلی دیزاینر روفعت ایسماعیل حیاتا کئچیریب.