۲۵ نویابر تاریخین‌ده اینگیلتره‌نین لوندون شهرینده کنسرت وئره‌ن «بو شهرده» کومانداسی باکییا قاییتماق ایستمیر.

کولت. آذ خبر وئریر کی، کوماندا عضولری هله ده لوندوندادیر. «دومانلی آلبیون»دا وئردیکلری کنسرتدن سونرا کولکتیو اولدوقلاری شهری گزمه‌یه اوستونلوک وئریب. کوماندانین باش پرودوسری و سناریستی موشفیق عباسوو فیسبوکدا گزدیکلری یئرلرله باغلی تز-تز ماراقلی پایلاشیملار ائدیب.

فوتولاردا دا گؤرونور کی، کوماندا گزینتیسی زامانی شهرین تاریخی یئرلرینه و موزئیلره گئتمه‌یه اوستونلوک وئریرلر.

لوندون‌داکی مادام توسو موزئیینه باش چکن کوماندا عضولری موزئیده مومدان حاضیرلانمیش هوللیوود اولدوزلارینین هیکللری ایله ماراقلی شکیللر چکدیریبلر.

همچینین، لوندوندا کافه لردن بیرینده استراحت زامانی "صحنه‌نی" اله آلان کولکتیو "بانا-بانا گل" ماهنی‌سینی خورلا ایفا ائدیب، زالداکیلارا ماراقلی آنلار یاشادیب.

قید ائدک کی، «بو شهرده» ۲۵ نویابردا اینگیلتره‌نین پایتختی لوندوندا «لوگان هال» زالیندا کونسرت وئریب.

اوندان اول کوماندا نویابر آییندا ۴ گون حیدر علیئو آدینا رسپوبلیکا ساراییندا کنسرت پروگرامی ایله چیخیش ائتمیشدی.