تایلاندین ۶۷ یاش‌لی کرالی ماچی واحیرالونقکورنین ۳۴ یاش‌لی سئوگی‌لی‌سی، اوردو تیبب باجی‌سی سینیناتئ وونقوادژیراپاک رسمی اولاراق کنیز – کونسولون ایکینجی حیات یولداشی ایستاتوسونو آلیب. مراسیم کرال سارایین‌دا مطبوعاتین، دؤولت رسمیلری‌نین و تایلاند حوکمداری‌نین ۴۱ یاش‌لی حیات یولداشی‌نین ایشتیراکی ایله باش توتوب.

آخار. آذ . خبر وئریر کی، مراسیم زامانی کرالین ایلک حیات یولداشی سوتهیدا پادشاهین سول طرفین‌ده اوتوروب و باش وئره‌نلری اوزون‌ده هئچ بیر دویغو ایفاده‌سی سئزیلمه‌دن سس‌سیزجه ایزله‌ییب. او آندا پادشاه اوللر جانگودنی اولموش سینیناتین باشینا طنطنه‌لی سو تؤکوب. خیدمت اسناسین‌دا قیز عنعنه‌یه گؤره کرالین دیزین‌دن آشاغی اولماق اوچون یئره اوزانیب.

یئری گلمیش‌کن، بو ایلین یازین‌دا بنزر بیر مراسیم کرالین حیات یولداشی سوتهی‌دا طرفین‌دن ایجرا ائدیلمیش‌دی، آنجاق او توی مراسیمی شکلین‌ده حیاتا کئچیریلمیش‌دی. بو ائولی‌لیک تایلاند حوکمداری‌نین ۴-جو نیکاحی‌دیر. ماهی واچیرلونقکورنون اوولکی موناسیبتلردن ایکی قیزی و بئش اوغلو وار، واریسلرین‌دن یالنیز بیری رسمی اولاراق شاه‌زاده کیمی تانینیب.

توی‌دان اول سوتهی‌دا ماهی واچیرالونقکورن عائله‌سی‌نین کوماندیری اولوب و اوچ ایل سونرا گئنئرال روتبه‌سینه یوکسلیب. ایندی تایلاند کرالینین حیات یولداشی ارینین شخصی تهلوکه‌سیزلیگی وظیفه‌لرینی ایجرا ائدیر.

بیر نئچه آی اول تایلاندین یئنی شاه‌زاده‌سی‌نین ایلک رس‌می شکیللری اینتئرنئت‌ده یاییملامیب. اونلاردا او، یالنیز میللی گئییملرده دئییل، هم ده کرال عائله‌سینه اوزون ایللر سداقتله خیدمت ائتدیی چوخ سای‌دا موکافاتا صاحب حربی گئییم‌ده گؤرونور.

قئید ائدک کی، بو، اؤلکه‌نین معاصر مونارخییاسی‌نین چوخ‌آروادلی‌لیغی ایجتیمایت طرفین‌دن آچیق تانییان ایلک حادثه کیمی تاریخه دوشدو. (تایلاند کرالی سونونجو دفعه ۱۹۳۲-جی ایلده چوخ‌آروادلی اولوب).