۰۹:۰۰

روسیانین کامچاتکا یاریم آداسین‌دا ۸،۷ ماقنیتودالی زلزله باش وئریب.

Axar.az خبر وئریر کی، بو باره‌ده روسیا علملر آکادمیاسینین گئوفیزیکا خیدمتینین کامچاتکا فیلیالی تلگرام کانالین‌دا معلومات یاییب.

بیلدیریلیب کی، بو، ۱۹۵۲-جی ایلدن سونرا باش وئرمیش ان گوجلو زلزله‌دیر.

زلزله تکجه روسیادا دئییل، دیگر اؤلکه‌لره ده تأثیر گؤستریب. آرتیق یاپونیانین شمالین‌دا یئرلشن هوکایدو پرفکتوراسینین هاناساکی لیمانین‌دا ایلک سونامی دالغاسی قیده آلینیب.

***

پتروپاولووسک-کامچاتسکی شهرینده بعضی بینالار زدلنیب، اوشاق باغچاسینین بیناسین‌دا دیوار اوچوب.

ایلکین معلوماتلارا گؤره، خسارت آلان یوخدور.

ساکینلرین سؤزلرینه گؤره، زلزله ۷ دقیقه‌دن چوخ داوام ائدیب.

۰۹:۲۲

***

کامچاتکادا ۸،۷ بال گوجونده زلزله‌دن سونرا اکثریتی حس اولونمایان ۵۰-دن چوخ آفتئرشوک قیده آلینیب.

بو باره‌ده روسیا علملر آکادمییاسینین گئوفیزیکا خدمتینین کامچاتکا بؤلمه‌سی معلومات یاییب.

«ساعت ۱۱:۲۴-ده (باکی واختی ایله ۰۳:۲۴) زلزله نتیجه‌سین‌ده ۵۰-دن چوخ یئرآلتی تکان قیده آلینیب، اونلارین بعضیلری حس اولونوب»، - قورومدان بیلدیریلیب.

عینی زمان‌دا زلزله‌دن سونرا ۲،۷ مین انسان کوریل آدالارینداکی تهلوکه‌سیز بؤلگه‌لره تخلیه ائدیلیب.

***

۱۰:۲۱

کامچاتکا ساحللرینده باش وئرن زلزله‌دن سونرا یاپونیادا سونامی تهلوکه‌سی اعلان ائدیلیب.

بو باره‌ده «رؤیترز» معلومات یاییب.

معلوماتا گؤره، سونامی تهلوکه‌سی سببیندن فوکوشیما دایچی اتم الکتریک استانسییاسی تخلیه اولونوب.

***

کامچاتکا ساحللرینده باش وئرن زلزله‌دن سونرا یارانان سونامی آمریکانین کالیفورنییا ایشتاتینین ساحللرینه چاتیب.

بو باره‌ده آمریکاین متورولوژی خدمتی معلومات یاییب.

ساکینلره چیمرلیکلردن اوزاق دورماق توصیه اولونور.