روسیا آمریکا آدمینیستراسییاسی ایله مسکوا و واشینگتن آراسین‌دا بیرباشا حربی قارشی‌دورمایا یول وئریلمه‌مه‌سی باره‌ده راضیلاشیر.

Axar.az خبر وئریر کی، بو باره‌ده روسیا خارجی ایشلر ناظیری سرگی لاوروو ژورنالیستلره بیلدیریب.

«حاضردا ایرلیلییش، ایلک نوبه‌ده، اوندادیر کی، آمریکالی همکارلاریمیز، آگرسیو روسوفوبیایا کؤکلنمیش آوروپالیلاردان فرقلی اولاراق، موجود رئال‌لیقلاری درک ائدیر، بحرانین ایلکین سببلرینی نظره آلماغا چالیشیرلار. بو سببلری ایسه روسیا پرزیدنتی ولادیمیر پوتین دفعه‌لرله اطرافلی ایضاح ائدیب. بورایا کریم، دونباس، نووروسیا ساکنلرینین اراده‌سینه حرمت اولونماسینین ضروریلیی ده داخل‌دیر. اونلار ۲۰۱۴-جو ایل دولت چئوریلیشینه جواب اولاراق بو آددیمی آتیبلار. همین چئوریلیشین لیدرلری ایسه اونلاری «انسان‌لیقدان کنار» و «ترورچو» آدلاندیرمیشدیلار»، – لاوروو قید ائدیب.