ایران پرزیدنتی مسعود پزشکیانین نماینده‌لری حاضردا ائو حبسین‌ده اولان کئچمیش باش ناظر، مخالفت‌چی و "یاشیل حرکاتین" باشچی‌سی میر حسین موسوی ایله گؤروشوب.

Axar.az خبر وئریر کی، بو حاق‌دا مسعود پزشکیانین اجراچی ویتسه-پرزیدنتی محمد جعفر قایم‌پناه معلومات یاییب.

معلوماتا گؤره، ۱ ساعت یاریم داوام ائد‌ن گؤروشده، موسوی‌نین حکومته قارشی رادیکال موقعین‌دن گئری چکیلجیی باره‌ده اونون ائو دوستاقلیغینین قالدیریلاجاغینا سؤز وئریلیب.

موسوی‌یه یاخین "کلمه" سایتی گؤروش باره‌ده یاییلان معلوماتلاری تکزیب ائدیب.

بیر نئچه گون اول میر حسین موسوی ۱۲ گونلوک ایران-اسرائیل قارشی‌دورماسینی تهران رژیمینین بؤیوک سهولرینین نتیجه‌سی آدلاندیریب و سیستمین دییشیلمه‌سی اوچون رفراندوم کئچیریلمه‌سینی تکلیف ائدیب.

قید ائدک کی، میر حسین موسوی ۲۰۰۹-جو ایلده کئچیریلن پرزیدنت سئچکیلرینده غالیب گلسه ده، علی خامنه‌ای‌نین اراده‌سی ایله محمود احمدی‌نژاد پرزیدنت تعیین اولونوب.

تبریزلی سیاستچی، نتیجه‌لرین ساختالاشدیریلماسینا و علی خامنه‌ای‌نین محمود احمدی‌نژادی پرزیدنت اعلان ائتمه‌سینه قارشی نمایشه چاغیریب.

میلیونلارلا وطنداشین اشتراک ائتدیی ازدهاملی اعتراض میتینقلریندن سونرا میر حسین موسوی و حیات یولداشی زهرا رهنورد ائو حبسینه محکوم ائدیلیب.