روسییا پرزیدنتی ولادیمیر پوتین آمریکالی همکاری دونالد ترامپین «محاربه‌نی دایاندیر» تکلیفینه اونا وئریلن ۱۰ گونون بیتمه‌یینی گؤزله‌مه‌دن «یوخ» دئدی.

Axar.az خبر وئریر کی، بو سؤزلری پولیتولوگ ائلخان شاهین‌اوغلو قید ائدیب.

او وورغولاییب کی، ترامپا اشاره ائد‌رک «شیشیردیلمیش گؤزلنتیلر اؤزونو دوغرولتمادی» دئین کرمل صاحبینین منطیقی ساده‌دیر:

«بیرینجی‌سی، روسییانین بوتون جبهه بویو هجومو گئنیشلندیردیی مرحله‌ده اوکراینا ایله آتشکس ممکن دئییل. ایکیجی‌سی، آمریکانین یئنی سانکسییالاری کرملی ناراحات ائتمیر. ائله ترامپین اؤزو ده سون آچیقلامالارینین بیرینده روسییایا قارشی یئنی سانکسییالار تطبیق ائدجه‌یینین آنونسونو وئرسه ده، بونون ایشلیه‌جه‌یینه شبهه ایله یاناشدیغینی بیلدیریب.

آغ ائو صاحبینین بو آچیقلاماسی پوتینین «سانکسییالاردان قورخمورام» آرگومنتینی گوجلندیریب. بو او دئمک‌دیر کی، محاربه داوام ائد‌جک، پایتاخت کیف اولماقلا، اوکراینا شهرلری اوولکی تک بومبالاناجاق، ملکی انسانلار اؤلمک‌ده داوام ائد‌جک».