آذربایجان واشینگتنون دستکلدیی «ابراهیم راضیلاشمالاری»نا قوشولمالی‌دیرمی؟ آغ ائو حساب ائدیر کی، نه قدر چوخ مسلمان اؤلکه‌سی اسرائیلله مختلف ساحه‌لرده امکداشلیغی گوجله‌ندیرن سازشه امضا آتارسا، بو، یاخین شرقده ثابتلییه خدمت ائد‌جک. بو سازش چرچیوه‌سینده اسرائیلله دیپلماتیک مناسبتلر قوران مسلمان اؤلکه‌لرینین سایی آرتمالی‌دیر.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

او بیلدیریب کی، آذربایجانین بو شرطلری یئرینه یئتیرمه‌سینه احتیاج یوخ‌دور:

«برینجی‌سی، آذربایجانین اسرائیلله دیپلماتیک مناسبتلری موجوددور. ایکینجی‌سی، آذربایجان اسرائیلله مختلف ساحه‌لرده درین علاقه‌لره مالک‌دیر. بئله اولان حال‌دا آذربایجانین «ابراهیم راضیلاشمالاری»نا قوشولماسینا احتیاجی وارمی؟

آذربایجانین راضیلاشمایا قوشولماسینی چتینلشدیرن بیر نئچه عامل وار:

- آذربایجانین استراتژی متفقی تورکیه بؤلگه‌ده‌کی موجود شرطلر داخلین‌ده «ابراهیم راضیلاشمالاری»نا قوشولمایاجاق؛

- غزه‌ده انسان فلاکتی داوام ائدرکه‌ن و اسرائیلین فلسطینین مستقللیینی تانیماق‌دان امتناسی دورومون‌دا آذربایجانین راضیلاشمایا قوشولماسی پروبلماتیکدیر.

اسرائیلین مرکزی آسییانین دیگر تورک دولتلری، او جمله‌دن قازاخیستانلا دا سیخ علاقه‌لری وار. آستانا دا «ابراهیم راضیلاشمالاری» مسئله‌سینده گؤزله‌مه موقعیینده‌دیر. حالبوکی واشینگتن باکی ایله یاناشی، آستانا ایله ده بو موضوع‌دا اینتنسیو دانیشیقلار آپاریر. یالنیز «آمریکا ایسته‌ییر» دئیه آذربایجانین «ابراهیم راضیلاشمالاری»نا قوشولماسینین ایتکی‌سی قازانجین‌دان چوخ‌دور. ماراقلی طرف اولان تل-اویوین آذربایجانین «ابراهیم راضیلاشمالاری»نا قوشولماسییلا باغلی خصوصی ایسته‌یی یوخ‌دور. تل-اویو «ابراهیم راضیلاشامالاری»نا ایلک نوبه‌ده عرب اؤلکه‌لرینین قوشولماسینی ایسته‌ییر. بئله اولان حال‌دا آذربایجان-اسرائیل طرفداشلیغینین ایکی‌طرفلی اساس‌دا داوامین‌دا فایدا وار و بو هم باکی، هم ده تل-اویو اوچون یئترلی‌دیر».