اوکراینا پرزیدنتی ولادیمیر زلنسکینین سفری ایله علاقه‌دار برلین‌ده فوق‌العاده وضعیت اعلان ائدیلیب.

Axar.az خبر وئریر کی، بو باره‌ده «بیلد» قزئتی منبع‌لرینه استنادا معلومات یاییب.

نشرین قید ائتدیی کیمی، وضعیت محض اوکراینالی سیاستچینین سفری ایله باغلی یارانمیش یوکسک ریسکلرله باغلی‌دیر. اوسته‌لیک، فوق‌العاده وضعیتین اعلان ائدیلمه‌سی پولیسی تعجبلندیریب. اونا گؤره ده ایش بو گونه قدر داوام ائدیر. تهلوکه‌سیزلیک قوه‌لری تعجیلی ایشه چاغیریلیر.

"بیلد" یازیر: "تهلوکه‌سیزلیک قوه‌لرینین برلینی قالایا چئویرمک اوچون جمعی بیر نئچه ساعتی قالیب".

زلنسکینین سفری ایله علاقه‌دار بئرلین ساکینلرینین محدودیتلرله اوزلشجیی ده وورغولانیر. بئله کی، پارلامنت و حکومت محله‌سی اطرافینداکی بوتون یوللارین باغلانماسی نظرده توتولور. اوخشار وضعیت بوندستاق متروسوندا دا یاشانیر.

زلنسکی آرتیق بئرلینه گئدیب. او، طیاره‌دن دوشوب، پرزیدنتی بیر سیرا آلمان سیاستچیلری قارشیلاییبلار. رسمی سفر زمانی اوکراینالی سیاستچینین آلمانیا کانسلری فریدریخ مرزله دانیشیقلار آپاراجاغی معلومدور.