۱۵ آوگوست‌دا آلیاسکادا ۲۰۱۹-جو ایلدن بری ایلک دفعه آمریکا پرزیدنتی دونالد ترامپ و روسیا پرزیدنتی ولادیمیر پوتین آراسین‌دا تکبتک گؤروش باش توتاجاق. تجروبه اونو گؤستریر کی، بئله گؤروشلره ترامپ عادتاً حاضرلیق‌سیز گلیر. پوتین ایسه عکسینه همیشه جدی شکیل‌ده حاظرلاشیر.

Axar.az خبر وئریر کی، بو سؤزلری "تلگراف" قزئتینه وئردیی مصاحیبه‌ده ترامپین بیرینجی آدمینیستراسییاسین‌دا آمریکا پرزیدنتینین سابیق مشاوری جون بولتون بیلدیریب.

بولتون قید ائدیب کی، ترامپ بئله گؤروشلره ساده‌جه "فکر مبادله‌سی" کیمی باخیب، دانیشیقلار آپارمایاجاغینی دوشونه بیلر. لاکین اصلین‌ده بو رئال‌لیق‌دا عینی‌دیر و دانیشیقلاردیر. همچینین، پوتین اوکراینادا آتشکه‌سه راضی‌لیق وئره بیلر. اما اساس مسئله هانسی شرطلرله راضی‌لیق وئرمه‌سی‌دیر.

"اگر آتشکس موجود تماس خطی بویونجا باش وئررسه و سونرا دانیشیقلار باشلایارسا، بو، اوکراینا و روسیا آراسین‌دا یئنی سرحده چئوریله بیلر. ۱۹۵۳-جو ایلده کورئیا محاربه‌سین‌ده آتشکس دانیشیقلاریندان سونرا اولدوغو کیمی... او واختدان بری بو، شمالی و جنوبی کوریا آراسیندا سرحد اولاراق قالیر.

آیدین‌دیر کی، اوکراینا باخیمین‌دان بو یاخشی نتیجه اولمایاجاق"، – دئیه بولتون فکرلرینی بؤلوشوب.