بو گون روسیا پرزیدنتی ولادیمیر پوتینله کئچیریلمه‌سی پلانلاشدیریلان گؤروشده آمریکا پرزیدنتی دونالد ترامپ آرتیق اونا مقبول گؤرونه‌ن، لاکین آوروپا اؤلکه‌لری اوچون قبول ائدیلمز اولان گذشتلره گئده بیلمه‌یه‌جک. صحبت آوروپا اؤلکه‌لرینین لیدرلرینین اوکرایناداکی محاربه و آوروپا تهلوکه‌سیزلییی ایله باغلی اؤز اورتاق مؤقعلرینی بیان ائتمه‌سیندن گئدیر.

Axar.az خبر وئریر کی، بونو اوکراینانین سابق خاریجی ایشلر ناظری، روسیا آراشدیرمالاری مرکزینین رهبری ولادیمیر اوقیزکو بیلدیریب.

«بلکه بیر آز استاندارت‌دان کنار فکر سؤیله‌یه‌جه‌یه‌م. اما منه ائله گلیر کی، سراغا گون (ترامپ، زلنسکی و آوروپا لیدرلرینین اونلاین گؤروشو – رئد.) باش وئرن حادثه بو گون باش وئره‌جکدن قات-قات واجیبدیر. منیم فکریمجه، اولدوقجا مهم حادثه باش وئردی – آوروپا اؤلکه‌لرینین لیدرلرینین کونسولیداسیاسی. اونلار چوخ آیدین و دقیق شکیل‌ده، هم اؤزلرینه، هم ده پرزیدنت ترامپا بیلدیردیلر کی، آوروپا آرتیق بیر گوجدور و بو آوروپا ترامپین قفیل ایستدیی و یا ایستمدیی شئیلره تابع اولمایاجاق،» – دئیه اوقیزکو وورغولاییب.

قید ائدک کی، بو گون ترامپلا پوتین آراسیندا آلیاسکادا گؤروش کئچیریله‌جک.