بویوک بریتانیا حکومتی آمریکا و آوروپا بیرلییی ایله کوردیناسییالی شکیل‌ده، علی خامنه‌اینین مشاویری، ایرانین روسییایا نفت ساتیشیندا اساس فیگور اولان علی شمخانینین اوغلو حسین شمخانی و اونا باغلی شیرکتلره قارشی سانکسییالار تطبیق ائدیب.

Axar.az خبر وئریر کی، بو حاقدا بریتانییا حکومتینین بو گون یایدیغی بیاناتیندا بیلدیریلیب.

"بؤیوک بریتانییا اسلام رسپوبلیکاسینا قارشی سانکسییالار چرچیوه‌سینده و چیرکلی پوللارین یویولماسی ایله مبارزه قانونونا اساساً، سانکسییالار سیاهیسینا بئش یئنی قوروم علاوه ائدیب"،- معلومات‌دا دئییلیر.

شمخانی ایله یاناشی، اونون دوبایدا یئرلشن شیرکتلری، او جمله‌دن آدمیرال شیپ‌پینگ گروپوپ و میلاووس گروپ دا یئنی سانکسییالارین هدفینه چئوریلیب.

باش اوفیسی لندن‌ده یئرلشن "اوکئان لئونید اینوستمنتس" شیرکتی ده سانکسییا سیاهی‌سینا سالینیب. بو اینوستیسییا فوندو حسین شمخانینین اقتصادی امپرییاسیندا مهم رول اویناییر.

بو قوروملارلا یاناشی، اسلام رسپوبلیکاسینین بین‌الخالق عالمده مالییه قوللاریندان بیری اولان نفت-کیمیا تجارت شیرکتی ده سانکسییالار سیاهی‌سینا علاوه ائدیلیب.