آمریکا یاخشی سلاحلار استحصال ائدیر، لاکین اوردوسونون حاضرلیق سویه‌سی یقین کی، اوکراینا سلاحلی قوه‌لریندن آشاغیدیر.

Axar.az خبر وئریر کی، بو فکری اوکراینالی حربی آنالیتیک آلکسی گتمان واشینگتنون اوکراینانین تهلوکسیزلیینین تعمین ائدیلمه‌سینده ممکن رولون‌دان دانیشارکن دئییب.

«آمریکا اؤلکه‌میزی روسیا ضربه‌لریندن قوروماق اوچون اؤز طیاره‌لری ایله اوکراینا سماسینی باغلایا بیلرمی؟» سوالینا جاواب اولاراق اکسپرت آمریکا اوردوسونون امکانلارینی یوکسک قیمتلندیرمدیینی سؤیله‌ییب.

"بو، چوخ یاخشی اولاردی. اصلینده بیز آمریکانین قورو قوشونلارینین امکانلارینی حددن آرتیق یوکسک قیمتلندیریریک، چونکی بیز اساساً هالیوود فیلملرینه گووه‌نیریک. اما فاکتلارا نظر سالساق، ایکینجی دنیا محاربه‌سیندن سونرا آمریکا سلاحلی قوه‌لرینین هئچ بیر اوغورونو خاطرلایا بیلمریک. اونلار کورئیا محاربه‌سینی اودوزدولار، ویتنام محاربه‌سینی اودوزدولار، افغانستان‌داکی محاربه‌نی اودوزدولار. «صحرادا توفان» عملیاتی اولدو، اما اورادا دا کوالیسییا ایدی، آمریکا دئییل...»، - گتمان بیلدیریب.

آنالیتیک وورغولاییب کی، او، آمریکا اوردوسونون اوکراینا سلاحلی قوه‌لریندن اوستون اولمادیغینا امین‌دیر.

او حساب ائدیر کی، آمریکا اوردوسو حتی تعلیم باخیمیندان اوکراینالی دؤیوشچولردن ده گئریده قالا بیلر.