مجارستانین باش ناظری ویکتور اوربان بیلدیریب کی، ولادیمیر زلنسکینین اؤلکه‌سینه قارشی آچیق تهدیدلری جزاسیز قالمایاجاق.

Axar.az خبر وئریر کی، موافق بیانات حاکم پارتیانین طرفدارلاری اجماسینین سوسیال شبکه‌ده‌کی صحیفه‌سینده یئر آلیب.

اوربان یازیب کی، زلنسکی بوداپشتین اوکراینانین آوروپا اتفاقینا داخل اولماسینا دستک وئرمدیی اوچون دروژبا کمرینه هجوم ائتدیینی اعتراف ائدیب و مجاریستانی آچیق شکیلده هده‌له‌ییب. باش ناظرین سؤزلرینه گؤره، بو، مجاریستانین دوزگون قرارلار قبول ائتدیینی ثبوت ائدیر. او علاوه ائدیب کی، اوکراینا پارتلاییش و هده‌لرله آوروپا اتفاقینا عضولویونو تعمین ائده بیلمه‌یه‌جک.

"بو، مجارلارین دوزگون قرار قبول ائتدیینی بیر داها ثبوت ائدیر. زلنسکینین سؤزلری نتیجه‌سیز قالمایاجاق"، - او یازیب.

خاطرلاداق کی، اوکراینا سلاحلی قوه‌لری «دروژبا» نفت کمرینین انفراستروکتورونا بیر نئچه ضربه ائندیریب و بو، مجاریستان و سلوواکیایا نفت نقلینین دایاندیریلماسینا سبب اولوب. آوگوستون ۲۴-ده کئچیریلن مطبوعات کنفرانسیندا زلنسکییه بو ضربه‌لرین مجارستانین وتوسونون لغوی شانسینی آرتیریب-آرتمادیغی سوروشولوب. او، جوابین‌دا بیلدیریب کی ، «دروژبا»نین موجودلوغو ایندی مجارستان‌دان آسیلی‌دیر.