خبر وئردییمیز کیمی، ارمنیستانین بیرینجی پرزیدنتی لوون تر-پتروسیان روسیانین بو اؤلکه‌ده‌کی سفیری کوپیرکینی اؤز اقامتگاهین‌دا قبول ائدرکه‌ن زنگزور دهلیزیندن ده دانیشیب و «قیجیق یاراتماماق اوچون» زنگزور دهلیزینه «زنگزور نقلیات قووشاغی» دئییلمه‌سینی تکلیف ائدیب.

Axar.az خبر وئریر کی، او، همچنین زنگزوردان آذربایجانین اساس حصه‌سی ایله ناخچیوان آراسین‌دا علاقه اوچون مانعه‌سیز کئچید وئریلمه‌سینی ده نرمال قارشیلادیغینا دولایی‌سی ایله اشاره ائدیب.

بونا باخمایاراق، پتروسیانین «ارمنیستانین دوستلاری» سیراسین‌دا آمریکا-نین آدینی چکمه‌مه‌سی مذاکره‌لر دوغوروب. او بیلدیریب کی، ارمنیستانین وجدانلی و اعتبارلی دوستلاری روسیا، یونانیستان، هیندیستان و فرانسادیر. حالبوکی آمریکا ارمنیستانا داها چوخ مالیه دستیی گؤستریر، زنگزور دهلیزینده مسئولیتی اوزرینه گؤتورور و آذربایجانلا صلح سازشینین امضالانماسی استقامتینده جدی سعی گؤستریر.

ارمنی مخالف مدیاسی بونو «آمریکا-نین بؤلگه‌ده ماراغینین اولماماسی» ایله ایضاح ائتمه‌یه چالیشیب – حالبوکی «ترامپ یولو» آمریکا-نین ماراقلارینی آچیق شکل‌ده اورتایا قویدو.

دیگر طرف‌دن، بو، روسیانین جنوبی قافقازدان هئچ واخت واز کئچمیه‌جیی کیمی تبلیغ ائدیلیر. قید ائدیلیر کی، تر-پتروسیان رئاللیغا اساسلاناراق، «رگیونال قوه‌لرین اویغونلاشماسینا قیمت وئریب» و روسیانین رگیون‌دان چکیله‌جیینین مساژینی وئرنلره «خبردارلیق» ائدیب.