شرقی آذربایجان ایالتینین ورزقان بؤلگه‌سینین بیر نئچه کندینین یوزلرله ساکینی اعتراض آکسییاسی کئچیریبلر.

Axar.az خبر وئریر کی، بو حاق‌دا یئرلی منبعلر معلومات یاییب.

معلوماتا گؤره، انرییان قیزیل معدنی‌نین انضباطی بیناسی قارشی‌سینا توپلاشان کندلیلر اطراف محیطین محو ائدیلمه‌سینه اعتراض ائدیبلر.

مده‌نه گئدن یولو باغلایان اعتراضچیلار غیری-استاندارد استخراج سببیندن اکین و اوتلاق ساحه‌لرینین محو ائدیلدیینی بیلدیریبلر.

اونلارین سؤزلرینه گؤره، خصوصیله شیمیایی توللانتیلارین طبیعته بوراخیلماسی یئرالتی سولاری و چایلاری چیرکلندیریب:

«بو سبب‌دن حیوانلارین، اکین ساحه‌لرینین محو اولماسی ایله یاناشی، بؤلگه اهالیسی آراسیندا دا خسته‌لیکلرین سایی آرتیب».

قید ائدک کی، بو، سون بیر هفته عرضین‌ده ایکینجی اعتراض آکسییاسی‌دیر.