قازاخستان دئزینفورماسییایا قارشی مبارزه مرکزی روسییانین اورسک شهرینه پوا-لارلا هجوم‌دا اشتراک ائتدیکلرینی ادعا ائد‌ن، اؤلکه‌نین خارجی ایشلر ناظرلیdی و مدافعه ناظرلیینین رسمیلرینین یئر آلدیغی ویدئولارین ساختا اولدوغونو آچیقلاییب.

Axar.az خبر وئریر کی، بو باره‌ده مرکزین مطبوعات خیدمتی معلومات یاییب.

قوروم بیلدیریب کی، ویدئولار «دئپفاکئ» تکنولوگییاسیندان استفاده ائدیلمکله حاضیرلانیب:

«قازاخستان رسپوبلیکاسینین خارجی ایشلر ناظرلییی و مدافعه ناظرلیینین بو ویدئولارلا هئچ بیر علاقه‌سی یوخ‌دور. بوتون رسمی آچیقلامالار یالنیز تصدیقله‌نمیش منبع‌لرده - قوروملارین اینترنئت سایتلارین‌دا و اونلارین تصدیقله‌نمیش حسابلارین‌دا یئرله‌شدیریلیر. یاییلان ویدئولار اینفورماسییا تخریباتی‌دیر و یالان خبرلرین یاییلماسی اوچون «دئپفاکئ» تکنولوگییاسین‌دان استفاده نمونه‌سی‌دیر».

قید ائدک کی، اورنبورگ ویلایتینین قوبرناتورو یئوگنی سولنتسوین سؤزلرینه گؤره، اوکتیابرین ۳-ده (اوکراینادان) بؤلگه‌ده صنایع اوبیئکتینه پوا هجومو اولوب. اوبیئکته جزعی زیان دییب، استحصالات‌دا فاصیله اولماییب، تلفات یوخدور. عمومی‌لیک‌ده، اورسک اوزرینده روسییا هوا هجومون‌دان مدافعه قوه‌لری ۴ پوا محو ائدیب.