«ترامپ یولو» و یا زنگزور دهلیزینه ۹۹ ایل آمریکا نظارت ائد‌جک.

Axar.az خبر وئریر کی، بونو «بی.بی.سی نیوز»اون ارمنی مخبری گریگور آتانسیان دئییب.

ژورنالیست بیلدیریب کی، ۴۳ کیلومترلیک یول ایرانلا بوتون سرحد بویو ارمنیستان اراضی‌سیندن کئچمکله آذربایجانی ناخچیوان اکسکلاوی ایله بیرلشدیره‌جک:

«بورادا دمیر یوللاری، ماگیسترال یوللار، بورو کمرلری چکه‌جکلرینه ده سؤز وئریرلر. دونالد ترامپ سؤیله‌ییب کی، بو، هر اوچ اؤلکه‌یه اقتصادی فایدا گتیرجک و بورا بؤیوک حجم‌ده پول قویولاجاق. نقلیات سیستمی صفردان قورولاجاق».

آتانسیانین فکرینجه، ترامپین مداخله‌سی روسیانین عنعنوی اولاراق «اؤز تأثیر دایره‌سی» حساب ائتدیی رگیون‌دا گئوسییاسی تارازلیغی دییشیر. ائلجه ده پروسسلره تأثیر امکانلاری اولمایان و زنگزور دهلیزینین آچیلماسین‌دان ناراحات اولسا دا، بونون قارشی‌سینی آلا بیلمه‌یه‌ن ایران باخیمیندان...

تورکیه‌یه گلینجه، بی.بی.سی-نین مخبری ضعیفله‌یه‌ن روسیا فونون‌دا آنکارانین رگیون‌داکی موقعیینین کفایت قدر گوج‌لو اولدوغونو یازیب:

«آنکارا ارمنیستانلا مناسبتلرین نرماللاشدیریلماسی اوزره دانیشیقلار آپاریر و ناخچیوان واسطه‌سیله تورکیه ایله آذربایجان آراسین‌دا بیرباشا علاقه یارادا بیله‌جک «ترامپ یولو»نا دستیینی ایفاده ائدیب».

آتانسیان آوروپا اتفاقی، خصوصاً فرانسانین دا بوندا ماراقلی اولدوغونون سؤزلرینه علاوه ائدیب.