روسیا دولت دوماسینین مستقل دولتلر بیرلیی ایشلری اوزره کمیته‌سینین صدرینین بیرینجی معاونی ویکتور وودولاتسکی تفلیسده کئچیریله‌ن بلدییه سئچکیلری فونون‌دا رگیون‌داکی سیاسی پروسسلری دیرلندیررکه‌ن سنساسیون بیانات وئریب.

Axar.az خبر وئریر کی، ملت وکیلی گورجوستان، ارمنیستان و آذربایجانین حاضردا آوروپا بیرلیی و آوروپا اؤلکه‌لرینین خصوصی خدمت ارگانلارینین اساس هدفینده اولدوغونو بیلدیریب.

وودولاتسکینین ادعاسینا گؤره، غرب قوه‌لری بو اؤلکه‌لرده دولتچیلیین ضعیفه‌لدیلمه‌سی و داخلی ثابتلیین پوزولماسی اوزرینده ایشله‌ییر:

«اونلار اوچون هر بیر پوستسووت دولتی موجود انسان دیرلرینی و درین تاریخی کؤکلری محو ائتمیین بیر المنتی ساییلیر. مقصدلری بوتون بونلاری کسمک، بولانیقلاشدیرماق و پست‌سووئت مکانین‌داکی هر دولتدن بیر سورو دوزلتمکدیر. اونا گؤره ده ارمنیستان و آذربایجان دا بیر واختلار اوکراینانین «آشاغی یووارلانماسینا» سبب اولان عینی تأثیرلره معروض قالاجاق».

اکسپرتلر حساب ائدیرلر کی، بو آچیقلاما روسیا طرفین‌دن هم جنوبی قافقاز اؤلکه‌لرینه قارشی «پسیخولوژی تضییق» فورماسی‌دیر، هم ده اوکراینا سسناریسینین خبردارلیغی کیمی سسلنیر. مسکوا سون آیلاردا رگیون اؤلکه‌لرینین غربه اینتگراسییاسینی آچیق شکل‌ده تنقید ائدیر و خصوصیله آذربایجانین مستقل سیاستینه قارشی دولاییسی تهدیدلی بیاناتلار وئریر.

قید ائدک کی، اوخشار ریتوریکا ۲۰۲۱-جی ایلده ده - اوکراینادا محاربه‌دن بیر ایل اول - کرمله یاخین سیاست‌چیلر طرفیندن سسلندیریلمیشدی.

وودولاتسکینین گورجوستان، ارمنیستان و آذربایجانی عینی جمله‌ده چکمه‌سی دقت چکیب. آنالیتیکلر بو بنزتمه‌نی «مسکوانین رگیون‌دا تأثیر دایره‌سینی قوروماق اوچون یئنی ایدئولوژی حاضرلیغی» کیمی دیرله‌ندیریرلر.

اوکراینادا اولدوغو کیمی، کرملین «خصوصی عملیات» ریتوریکاسینین جنوبی قافقازا یؤنله‌جیی احتمالی رئاللیقدان اوزاق دئییل.