نوبل صلح مکافاتی آلان شخص (مارییا کورینا ماچادو – رئد.) منه زنگ ائد‌رک، بو مکافاتی منه حصر ائتدیینی دئدی.

Axar.az خبر وئریر کی، بو سؤزلری آمریکا پرزیدنتی دونالد ترامپ آغ ائوده ژورنالیستلره آچیقلاماسیندا دئییب.

"من اونا دئمه‌دیم کی، بونو (مکافاتی - رئد.) منه وئر. اما دوشونوره‌م کی، او، وئره بیلردی»، - آمریکا پرزیدنتی علاوه ائدیب و اونون بو سؤزلری گولوشه سبب اولوب.

قید ائدک کی، ماچادو اونون آزادلیق و دموکراتییا اوغروندا مبارزه‌سینین ترامپ و دیگر اساس متفیقلردن آسیلی اولدوغونو یازیب.

«من بو مکافاتی ونزوئلانین اذیت چکن خالقینا و بیزیم ایشیمیزه وئردیی قطعیتلی دسته‌یه گؤره پرزیدنت ترامپا حصر ائدیره‌م!» - او بیلدیریب.

خاطیرلاداق کی، ونزوئلالی دموکراتییا فعالی مارییا کورینا ماچادو ۲۰۲۵-جی ایل نوبل صلح مکافاتینا لاییق گؤرولوب. نوبل صلح مکافاتینا نامزدلر آراسیندا ایسه دونالد ترامپ دا وار ایدی.